ISAYA 59:4 - Biblia Ilagho Jiboie Kwa Wandu Wose

⁴ Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

ISAYA 59:4 ပူးပေါင်းရင်းမြစ်များ

AYUBU 15:31

Usakekukalia moni ukirumiria maza ra duu, kwa kukaia ndechaapata kindo chingi.

AYUBU 15:35

Wandu awo wadabonya mipango ereda wasi, na kubonya mawiwi; ngolo rawo rachulwa ni mikalo.”

ZABURI 12:3

BWANA ndenyamire memu ya mikalo, na chumi rikukasagha;

ZABURI 62:10

Mserumirie chia etumia ndighi, angu kukaia na isuwirio kwa chia esoka; mali rikachurikia msakerisuwiria.

ZABURI 62:4

Mookunda tu kumuinjira ishima jake. Mwadaboilwa ni kughora tee, Mwadarasimia kwa memu yenyu, ela kondenyi mwadawasira njowe.

ZABURI 7:15

Wadakota kina, na kuchunukia andenyi ya icho kina moni.

MAKATANISHO 4:16

Wawiwi ndewilalagha wisaabonya ilagho iwiwi; ndewilalagha wisaamghusha mndumu.

ISAYA 10:1

Ni bugha konyu inyo mdungagha sharia riseko ra hachi, na kuandika malagho ghewikoronga wandu wapo.

ISAYA 26:18

Derekoghe karakara na muka uko na kifu, na ngelo ya kukufungua ivika, ndederevaeghe kindo chingi. Ndediredie kukia kungi ndoenyi, hata ndediwisimie awo wandu wiko ndoenyi anduangi.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 29:20

Uchawitotesha wang'eti, na awo wisekagha kwa lumenyo uchawinyamira, na wose wichereshagha kwa kubonya wuwiwi uchawiinja putu.

ISAYA 30:12

Kwa huwo, Mlungu Mweli wa Israeli waghamba huwu, “Kwa kukaia mwamenya malagho ghapo, na kurumiria andenyi ya makorongo na tee, hata mkusaghike naro;

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

ISAYA 33:11

Mipango enyu ni ya duu, eeka sa kuwa makozi na kukuwida matasa; miruke enyu yawuya modo ghommeria mmbeni.

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

ISAYA 47:10

“Korewonieghe ndekupatwagha ni ilagho jingi andenyi ya ugho wuwiwi ghwako, kukaghamba, ‘Ndekuwadie mndungi uniwonagha;’ ela hikima yako na kumanya kwako kwakulaghashire; kukaghamba ngolonyi kwako, ‘Ni ini moni hata ndekuwadie ungi unichumbie.’

ISAYA 5:18

Ni bugha kwa awo wirudagha kaung'a na kamba ra mikalo, na wuwiwi sa kuruda na kamba ra magare.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

ISAYA 59:15

Loli yasowekie; na uo ukutanyagha na wuwiwi, waakungira wasinyi.” BWANA wawonie maza iri ukazamilwa na ndighi, angu hachi iseko.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 9:15

Mghosi unekelo ishima nuo chongo, na mlodi ulodagha malagho gha tee nuo mkomba.

JEREMIA 48:7

Moabu, korekoghe na irumirio na ngome rako na mali rako, ela oho wori kuchadwalwa; na mlungu ghwako Kemoshi wori ghuchadwalwa wubarishonyi; ghuchadwalwa chiaimweri na wakohani wake na wabaa wake.

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

JEREMIA 7:8

“Wonenyi seji mrumirie malagho gha tee ghisefwanagha.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

MIKA 2:1

Ni bugha kwa wandu wilalagha wilave kwa kubonya mipango izamie. Ndoe ikaela, wichaikatisha mipango iyo iji wapata wulalo.

MABONYO GHA WADUMI 24:9

Wayahudi wikawadana wikirumiria kukaia malagho agho ghose ni loli.

JAKOBO 1:15

Iji bea yapata kifu, yadava kaung'a; na kaung'a ikazoghua putu, yadareda kifwa.