ISAYA 59:3 - Biblia Ilagho Jiboie Kwa Wandu Wose

³ Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 59:3 ပူးပေါင်းရင်းမြစ်များ

MAKATANISHO 6:17

kuzighana kwa lukaso, kughora tee, kubwagha mundu usewadie ikosa;

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

ISAYA 9:15

Mghosi unekelo ishima nuo chongo, na mlodi ulodagha malagho gha tee nuo mkomba.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 2:34

Nguwo rako reechulwa ni bagha ya wakiwa wiseko na ikosa jingi, hata kusewiwonie wikibara nyumba; ela sena aighu ya agho ghose,

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

JEREMIA 7:8

“Wonenyi seji mrumirie malagho gha tee ghisefwanagha.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

EZEKIELI 13:8

Kwa huwo Bwana MLUNGU waghamba huwu, “Kwa kukaia mwadeda malagho ghiseko gha loli, na kuwona malagho gha tee, olenyi nichalwa nenyo, waghamba Bwana MLUNGU.

EZEKIELI 22:2

“Mwana wa mdamu, welee, kuchatanya, kuchaghutanya muzi ghwa wabwaghi? Haya, kughumanyishe wuchafu ghwake ghose ughubonyere.

EZEKIELI 35:6

Kwa huwo, sa iji nikaigha moyo, ini Bwana MLUNGU naghamba, nichakufunya kubwagho, na bagha ichalawia. Kwa kukaia na ikosa jebwagha, kifwa chichakunugha.

EZEKIELI 7:23

Boisenyi minyororo, kwa kukaia isanga jachulwa ni kudia bagha, na muzi ghwachulwa ni makorongo.

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

HOSEA 7:3

BWANA waghamba, “Wandu wadamkalia mzuri na wabaa wake kwa kutumia njama rawo mbiwi.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

MIKA 6:12

Wazuri wako wa mali waawuyasoka wakiwa na inyo mmbose mooka watee.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

1 TIMOTHEO 4:2

kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.