ISAYA 59:11 - Biblia Ilagho Jiboie Kwa Wandu Wose

¹¹ Diaruma karakara na kibarabara, dialila na kusirimika kwa wasi sa mbughi; dailola hachi dikaisowa, na kukia kukakaia kula nesi.

ISAYA 59:11 ပူးပေါင်းရင်းမြစ်များ

ZABURI 119:150

Wakorongi wapo wing'etere weko kaavui; wandu wiko kula na sharia yako.

ZABURI 119:155

Wawiwi weko kula na kukia, angu wisewueilola sharia yako.

ZABURI 38:8

Nasia putu na ngachachanika; naawuyaruma ngiwawa ni ngolo.

ZABURI 55:2

Sikiria, kunitumbulie, wasi ghwapo ghwanichumba ndighi. Niateweleka.

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

ISAYA 38:14

Nakema karakara na mbeumbeu angu ichachula; nashononia karakara na mbughi. Meso ghapo ghasilwa kwa kuzighana nokoighu. Ee BWANA, nakorongeka, kaia mlindiri wapo.

ISAYA 51:20

Wana wako wasilwa na kudumbuka chienyi, kwa kula mbembe ya chia, wakaia kara kara na ighalu jawadwa nyavunyi; wachulwa ni makabo ga BWANA uko kukania kwa Mlungu wako.

ISAYA 59:14

Daiwikie na mbai iyo loli, na hachi ikakaia kula nesi; kwa kukaia loli yamerie kulaghashwa wandunyi, wuloli ndeghuwadie wulalo.

ISAYA 59:8

Ndemuichi chia ya sere, hata mighendo yenyu ndeiwadie hachi ingi anduangi. Mwarinonie chia renyu, hata mndungi ukarinugha ndechaimanya chia ya sere anduangi.

ISAYA 59:9

Wandu waghamba, “Ni kwa wundu ughu ndediwuebonyerwa hachi, hata ndediwuepata loli ingi anduangi; dalola mwengere, ela daawuyapata kira; dasuwiria kuwona mwengere ela daawuyaghenda kirenyi.

JEREMIA 8:15

Dailolie sere, ela ndedipatire wucha ghungi, dikazighanira ngelo eboiswa, ela dikaawona maza reobosha.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

KILILO CHA JEREMIA 3:17

Naimilo sere; naliwie seji mecha ghiko.

EZEKIELI 7:16

Na wandu wangi wisigharikagha na kufufunuka, wichakaia aighu mighondinyi sa mbughi ra vololonyi, wikikulilia weni kwa wundu ghwa makosa ghawo.

HOSEA 7:14

Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

NAHUMU 2:7

Malkia wadwalwa wunyika, wadumiki wake walila sa mbughi na kukukaba lagha.

NAHUMU 2:8

Wandu waawuyakimbia kufuma Nineve sa kiriwa chavunguka machi; wandu wiakema, “Kaduu, Kaduu!” ela mndungi ndewuyezighana nanyuma.