ISAYA 57:7 - Biblia Ilagho Jiboie Kwa Wandu Wose

⁷ Mwadajoka aighu ya mghondi mlacha, mpate kubonya wumalaya na kutasa milimu; nao aeni aho, mwadafunya vizongona.

ISAYA 57:7 ပူးပေါင်းရင်းမြစ်များ

ISAYA 57:3

Ela soghodenyi aha, inyo wana wa muka msawi, na kivalwa cha walaki na malaya.

ISAYA 65:7

mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 3:2

Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

EZEKIELI 16:16

Korewusireghe marwao ghamu ghako kukapamba nagho andu kotasira, na kubonya wumalaya aho. Maza sa iro jingi nderebonyeka, hata nderichaabonyeka sena anduangi.

EZEKIELI 16:24

Kwakuaghie kumoni vumba vetasira mghondinyi, na kukuzaisira kubonya wumalaya mbai na mbai ya kula chia.

EZEKIELI 16:25

Kwaaghie andu kotasira kutuonyi kwa kula chia, kukanona kughoka kwako kwa kukufunya kumoni kwa kula mundu uidagha; na huwo kukaghuchuria wumalaya ghwako.

EZEKIELI 23:17

Awa wabaa wikacha kufuma Babuloni na kulala nao. Wikamlusha kwa bea rawo, na nyuma ya kunonwa, ukaghaluka na kuzamilwa ni awo wandu.

EZEKIELI 23:41

Wikasea kidombo aighu ya makochi gha ishima, na kuwika meza ipambilo imbiri kwawo, na kuwikiria marumba ghapo, na mavuda ghapo.

EZEKIELI 6:13

Nenyo mchamanya angu ini ne BWANA, ingelo awo wandu wawo wibwaghilo walala aghadi ya milimu yawo wamara madhabahu rawo chia rose, kula mghondi mtini ghuko ighu, na aighu ya mido ya mighondi mibaa yose, na aisi ya kula mudi ghudeghedekie, na aisi ya kula mualoni ghukambie malemba, andu kose werekoriagha milimu yawo yose vizongona vinukie nicha.