ISAYA 57:6 - Biblia Ilagho Jiboie Kwa Wandu Wose

⁶ Mwadalola magho ghidendere mavongonyi, ghiwuye andu konyu kotasira; mwadadunga kizongona chenywa aho, na kureda mafunyo gha viro; muaghesha maza iro richanihoresha?

ISAYA 57:6 ပူးပေါင်းရင်းမြစ်များ

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

JEREMIA 19:13

Na nyumba ra Jerusalemu na nyumba ra wazuri wa Juda, iro nyumba rose rerefukiriloghe marumba kwa majeshi gha mlungunyi aighu ya mapaa gharo, na vizongona venywa vose verediriloghe kwa milungu mizima, aighu yaro, richanonwa kara kara na Tofethi.’”

JEREMIA 3:9

Orewonieghe wumalaya kukaia ilagho jiangue kwake, ukanona isanga kwa kubonya wulaki ghotasa magho na midi.

JEREMIA 32:29

Awo Wababuloni wawuyalwa na ughu muzi wichacha na kughukora, wichaghukoranya chiaimweri na nyumba iro wandu waro werekoghe wikimfukiria Baali marumba aighu ya mapaa gharo; wikifunya mafunyo gha kunywa kwa kughidiria milungu mizima, eri winivavire na kuniwusira machu.

JEREMIA 5:29

“Wele nilemwa wada ni kuwikaba kwa wundu ghwa maza iri? Welee niselipie kisasi aighu ya mbari sa ihi?

JEREMIA 5:9

Welee, ndeinifwane niwikabe kwa maza iri? Ndeinifwane nilipie kisasi kwa mbari ya wandu sa ihi?

JEREMIA 7:18

Wana waawuyashoa mbande, na weke ndee wiakora modo; waka wiaruwa mufu wibonye mkate kwa wundu ghwa mlungu ghwa waka wighuwangagha Malkia wa Mlungunyi. Nawo wadunga vizongona venywa kwa milungu mizima, wipate kuwusira machu ghapo.

JEREMIA 9:9

Welee, ndeinifwane niwikabe kwa wundu ghwa maza iri? Ndeinifwane nilipie kisasi aighu ya mbari sa ihi?”

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

HABAKUKI 2:19

Ni bugha kwa uo mundu uzeragha kilambo cha mudi, “Wuka!” Na igho jisededagha, “Wuka kimusi!” Mlimu ghwadima kukufunukuya ilagho jingi? Ghooshingwa dhahabu na feza, ela ndeghuwadie miruke andenyi yake.