ISAYA 57:3 - Biblia Ilagho Jiboie Kwa Wandu Wose

³ Ela soghodenyi aha, inyo wana wa muka msawi, na kivalwa cha walaki na malaya.

ISAYA 57:3 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

ISAYA 48:16

Idana soghodenyi kaavui na ini msikire, kufuma kuzoenyi ini sighorie kwa ngasu; hata ingelo ghicheebonyeka, ini nerekoghe aeni.” Na idana Bwana MLUNGU wamerie kuniduma kwa wulongozi ghwa Roho wake.

ISAYA 57:7

Mwadajoka aighu ya mghondi mlacha, mpate kubonya wumalaya na kutasa milimu; nao aeni aho, mwadafunya vizongona.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

JEREMIA 3:9

Orewonieghe wumalaya kukaia ilagho jiangue kwake, ukanona isanga kwa kubonya wulaki ghotasa magho na midi.

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

HOSEA 2:4

Wokoni sichaawifuya wana wake wughoma, kwa kukaia ni wana wa wumalaya.

HOSEA 2:6

Kwa huwo nichaikabia chia yake isanju ja minjwa, nani nichaagha wurigha ghoditanya, usedime kuwona chia rake sena.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MATHAYO 16:4

Kivalwa cha wuwiwi na kulaka chialola mwakilimbiti, nacho ndechichaanekwa mwakilimbiti ungi, ela uja moni wa Jona.” Nao ukawisigha ukaghenda chia yake.

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

LUKA 3:7

Niko aho ukawizera wandu awo werechieghe uwibaputize, “Inyo kivalwa cha choka! Nani oremnekieghe njama eghikimbia agho makabo ghichagha?

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.