ISAYA 57:19 - Biblia Ilagho Jiboie Kwa Wandu Wose

¹⁹ nichawibonya awo werekoghe wikilila wichulo ni makaso andenyi ya Israeli. Sere, sere kwa uo uko kula na uo uko kaavui, ini BWANA naghamba, nani nichamkira.

ISAYA 57:19 ပူးပေါင်းရင်းမြစ်များ

ISAYA 26:12

Kuchaiwika sere ndoenyi kwa wundu ghodu ee BWANA, oho kwamerie kudiboisira kazi redu.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

ISAYA 32:17

Kazi ya hachi ichakaia kureda sere, nayo ichareda wumboa na kurumirikia kwa kala na kala.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

ISAYA 51:16

Nakunekie malagho ghapo gheghora, nani ngakulindia kwa ndighi rapo; ni ini nibonyere mlungunyi, na kuwika misingi ya ndoenyi; nani nadawizera wandu wa Jerusalemu, ‘Inyo mo wandu wapo.’”

ISAYA 59:21

“Nichabonya ilaghano japo nenyo huwu: Uo Roho wapo uko aighu konyu, na malagho ghapo naghingira memunyi konyu, ndeghichaafuma memunyi konyu, na memunyi kwa wana wenyu, hata memunyi kwa weke wawayo kufuma idana, hata kwa kala na kala.”

ISAYA 6:7

Ukaniadada momunyi kwapo na ijo ika, ukaghamba, “Ola iji jakuadada momu ghwako; wuwiwi ghwako ghwainjwa, na oho kwafuilwa wughoma.”

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

ZEFANIA 3:9

“Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira.

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”

MATHAYO 10:13

Iji wandu wa nyumba iyo wamkaribisha, sere enyu ndeikaie kwawo; ela ikakaia walegha kumkaribisha, sere enyu ichammburia.

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

LUKA 21:15

angu ini nichamneka malagho na hikima, hata mndungi usechaadima kumtangala anduangi.

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

WAEFESO 2:13

Ela idana, andenyi ya Kristo Jesu, inyo morekoghe kula, mwaredelo kaavui kwa bagha ya Kristo.

WAEFESO 6:19

Na kwa wundu ghwapo wori, nipate kunekwa kuighora iyo ngasu ya Ilagho Jiboie kwa wuwana;

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.