ISAYA 57:18 - Biblia Ilagho Jiboie Kwa Wandu Wose

¹⁸ Namerie kuwona mighendo yake, ela nichamkira, na kumlongoza, na kumhoresha;

ISAYA 57:18 ပူးပေါင်းရင်းမြစ်များ

ZABURI 23:2

wanirarisha malishonyi gha nyasi mbishi, na kunilongoza mbai-mbai ya machi ghinyame.

ZABURI 51:12

Kuniwunjire kuboilwa kwa kukia kwako, kunimazire kwa roho ekunda kusikira.

ZABURI 94:19

Ingelo nakambwa ni chongo kwa malagho mengi, kwadanihoresha na kunibonya niboilo.

MCHILI 9:4

Ela uo ukwanye na wose wiko moyo, oko na isuwirio; kwa kukaia koshi iko moyo ni baa kuchumba shimba ifue.

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 51:12

BWANA waghamba, “Ni Ini, ee, ni inimoni nikuhoreshagha, waghamba BWANA; kwaki oho kumuobuagha mdamu ufwagha, uo mwana wa mdamu uko sa nyasi riomagha shwa,

ISAYA 52:12

Kwa kukaia ndemchaafuma kwa shwa-shwa hata ndemchaakimbia, Angu BWANA uchamkiria imbiri konyu, uo Mlungu wa Israeli uchakaia mlindiri onyu nanyuma.

ISAYA 53:5

Ela odeshoghonolwa kwa wundu ghwa makosa ghedu, na kuvonolwa kwa wundu ghwa mawiwi ghedu; orenekeloghe adhabu kwa wundu ghwa kuboiswa kodu na kwa makabo ghake, dereombochokieghe.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 58:11

Na ini BWANA nichakughenja kari kose, na kukukatishira bea rako kwa vindo vicha vose; na kukubonya kukaie na ndighi sa mbuwa inyoshero machi na ndoria ya machi ghisesiagha.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

ZEKARIA 1:13

BWANA ukamtumbulia uo malaika kwa malagho gha mvono ghehoresha ngolo.

LUKA 15:20

Nao ukawuka ukazoya kuwuya kwa ndee. Hata iji orekoghe kula koni, ndee ukammbona ukangilwa ni wughoma, ukamkimbiria na kumshishidia; ukamsusugha.

WAROMA 5:20

Sharia erechieghe kuchuria makosa, ela andu kaung'a ichurikie, mvono nagho ghorechurikieghe kuchumba;

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”