ISAYA 57:13 - Biblia Ilagho Jiboie Kwa Wandu Wose

¹³ Iji kwakema kukilola wutesia, oke iyo milimu yako koreitumbanyireghe ndeikukirecho. Mbeo ya kiremba ichacha na kuidwa noko, ee, miruke tu ichaiinja noko. Ela uo uchaakusaghika nani, uchapata isanga na kughupata ifwa ugho Mghondi ghwapo ghwa wueli.”

ISAYA 57:13 ပူးပေါင်းရင်းမြစ်များ

2 WAZURI 3:13

Elisha ukamzera mzuri wa Israeli, “Siwadie ilagho jingi jekubonyera. Ghenda kwa walodi wa ndeyo na mayo.” Mzuri wa Israeli ukamzera, “BWANA nuo wadiwanga wazuri wadadu, eri udingire mikonunyi kwa mzuri wa Moabu.”

AYUBU 21:18

Ni kalinga wikaie sa matasa ghidukwagha ni mbeo, na sa makozi ghidukwagha noko ni kiremba?

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ZABURI 118:8

Ni nicha kumrumiria BWANA, kuchumba kukusaghika na mdamu.

ZABURI 125:1

Awandu wimrumiriagha BWANA, weeka sa Mghondi ghwa Sioni ghusedimagha kunyavurika, ela ghwadua kwa kala.

ZABURI 37:11

Ela wandu wa mboa, wichapata isanga; wichaboilwa na kupata kwa wungi.

ZABURI 37:22

Awo wirasimilo ni BWANA, wichajipata isanga; ela awo uwiwasire njowe wichafungwa noko.

ZABURI 37:29

Wahachi wichapata isanga, na kudua andenyi yaro matuku ghose.

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

ZABURI 37:34

Msuwirie BWANA, kukatishe malaghiro ghake. Uchakujosa kwa kukuneka isanga; na oho kuchawona wawiwi wikifunywa noko.

ZABURI 37:9

Wandu wawiwi wichainjwa, ela awo wimsuwiriagha BWANA, wichapata ifwa ja isanga.

ZABURI 58:9

Seji nyungu risedimagha kuwadwa ni modo ghwa minjwa, ikaiagha mmbishi angu iomie, ni huwo koni wawiwi wichaainjwa shwa.

ZABURI 84:12

Warasimilwa mundu ukurumiriagha oho ee BWANA wa majeshi.

MAKATANISHO 28:25

Mundu wa lwafuo wadawusira nganyi ela uo ukusaghikagha na BWANA uchapata mecha.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 40:24

Wakaia karakara na miwalwa, angu mbeu rawalwa wokoni; imbiri riseserie miri woruwu, BWANA wawetesha mbeo aighu yaro, nayo yaoma na kiremba chaiduka noko sa itasa.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 65:11

Ela ndeichaakaia huwo konyu inyo munisighagha ini, na kuleghatala ugho mghondi ghwapo ghwa wueli; inyo mtasagha mlungu Bahati, na mlungu Ndengwa.

ISAYA 65:25

Kikwau na mwana wa ng'ondi wichajanya, na shimba ichaja nyasi sa ng'ombe, hata teri ichawuya vindo va choka. Richakaianya kuseko na kushoghonuana angu kunona kilambo chingi aighu ya kula andu kwa wueli mghondinyi kwapo.”

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

JEREMIA 2:28

Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

JEREMIA 22:20

“Joka cha Lebanoni kukeme, wusira lwaka lwako aho Bashani, kukeme kufuma Abarimu; kwa kukaia awo wakundwa wako wose wameria kutoteshwa.

JEREMIA 22:22

Mbeo ichaweta kuwiinja wabonyi nguma wako; na wakundwa wako wichadwalwa wunyika; aho niko kuchaafwa waya nandighi, kwa wundu ghwa wuwiwi ghwako ghose.

JEREMIA 30:14

Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

EZEKIELI 20:40

Inyo wandu wose wa Israeli, muchanitasa ini aighu ya mghondi ghwa wueli, ugho mghondi ghwapo mlacha ghwa Israeli, ini Bwana MLUNGU naghamba; nenyo mmbose mchanidumikia isangenyi, na aho nichamrumiria na kukaia tayari kuwusa manosi na mafunyo ghenyu gha wueli msaghue kunineka.

HOSEA 13:3

Kwa huwo wichasoweka sa ikungughu ja luma lwa nakesho, kara kara na mami ghiinjikagha kokio, na kara kara na makanda ghidukwagha noko ni mbeo kufuma kwa lwala loelea viro, angu sa mosi ghufumagha na idirisha.

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

WATANYI 10:14

Ghendenyi muikemie milungu yenyu iyo moreisaghueghe, nayo ndeimkire ngelo ya wasi ghonyu.”