ISAYA 57:1 - Biblia Ilagho Jiboie Kwa Wandu Wose

¹ Mundu wa hachi waawuyatota, na mndungi ndetalagha; wandu wimuobuagha Mlungu waawuyafwa wurumwengunyi, na mndungi ndetambukilwagha. Kwa kukaia mundu wa hachi waafunywa wasinyi,

ISAYA 57:1 ပူးပေါင်းရင်းမြစ်များ

1 WAZURI 14:13

Wandu wose wa Israeli wichamlilia na kumrika, kwa kukaia uo mwana nuo moni uekeri wa kivalwa cha Jeroboamu uchaarikwa, angu BWANA Mlungu wa Israeli wawonie kindo chimu chiboie andenyi kwake aghadi ya kivalwa cha Jeroboamu chose.

2 WAZURI 22:20

Ola kuchafwa sa weke ndeyo, kuriko kwa sere; meso ghako ndeghichaawona ugho wasi ghose nichaaghuredia muzi ughu.’” Nao awo wandu wikammbunjira mzuri agho malagho.

2 MALAGHO GHA NGELO 32:33

Hezekia ukafwa sa weke ndee, ukarikwa nalughu ya makaburi gha kivalwa cha Daudi; na wandu wose wa Juda na awo wikaiagha Jerusalemu wikam'bonyera ishima ngelo ya kufwa kwake. Mwana wake Manase ukabonya nguma wulalo ghwake.

2 MALAGHO GHA NGELO 34:28

Ola nichakubonya kufo sa weke ndeyo, na kuwikwa kaburinyi kwa sere, na oho ndekuchaawona wuwiwi nichaaghureda andu aha, na kwa wandu waro anduangi.’” Niko wikammbunjira mzuri malagho.

2 MALAGHO GHA NGELO 35:24

Kwa huwo wadumiki wake wikamfunya igarenyi, wikamduka na igare jake ja kawi, na kumreda Jerusalemu. Nao ukafwa, ukarikwa makaburinyi gha weke ndee. Wandu wa Juda wose na wa Jerusalemu wikamlilia Josia.

ZABURI 12:1

BWANA ditesie, ndekuwadie mndungi mucha uduagha. Wandu waloli ndewiduagha wandunyi anduangi.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

ISAYA 42:25

Niko huwo BWANA ukawidiria machu ghake ghibirie, na ugho wuda ghubirie; werekoreloghe ni machu ghake, ela awo ndeweremanyireghe gherewikorieghe, hata ndeweretalieghe anduangi.

ISAYA 47:11

Ela wuwiwi ghuchakuchea aighu kwako, kusechaadima kughughiria. Kutota kuchakuchea, kusechaadima kukukombua. Kunoneka kuchakuchea aighu yako shwa wori kusemanyire.

ISAYA 47:7

Na oho koreghambieghe, ‘Nichakaia malkia kwa kala na kala;’ kwa huwo ndekoretalieghe malagho agha ngolonyi kwako hata ndekoregheshereghe ghikaia gha wada kutua kwaro.

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 22:10

Msakemlilia Josia mzuri ufue angu kum'bonyera ifwa, ela mumlilie nandighi Joahazi uo mzuri udwalwagha wunyika; angu ndechaawuya hata kuwona isanga jake sena.

EZEKIELI 21:3

kujizere kukaia ini BWANA nichalwa najo; nichakua lufu lwapo kiwonyi kwaro, nani nicham'bwagha mhachi na mmbiwi.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

MITALO 23:10

Nani udimagha kivalwa cha Jakobo chiko sa teri, angu kubonya mtalo ghwa robo ya Israeli? Sighenyi nifo kifwa cha mundu wa hachi, na kutua kwapo kufwanane na kwake.”