ISAYA 56:2 - Biblia Ilagho Jiboie Kwa Wandu Wose

² Warasimilwa uo mundu uwadiagha agha na kughikatisha; uo uriwadiagha Sabato na kurimaziria userilushagha, ulindiagha usebonye ilagho jingi iwiwi.”

ISAYA 56:2 ပူးပေါင်းရင်းမြစ်များ

NEHEMIA 13:17

Niko ngarashana na vilongozi va Wayahudi ngawizera, “Ni wuwiwiki ughu m'bonyagha ghwa kuilusha Sabato?

ZABURI 106:3

Warasimilwa awo wiitalagha hachi, na kubonya agho ghiko gha loli ngelo rose.

ZABURI 112:1

BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

ZABURI 119:101

Nasighie kula ilagho iwiwi, eri nijiwadie ilagho jako.

ZABURI 128:1

Warasimilwa kula mundu umuobugha BWANA, na kunugha sharia rake.

ZABURI 34:14

Kukutanye na wuwiwi, kubonye nicha, kulole sere na kuinugha na iseghe.

ZABURI 37:27

Sigha wuwiwi, kubonye nicha; na kivalwa chako chichadua isangenyi matuku ghose.

KUFUMA 20:10

ela ituku ja mfungade ni Sabato kwa BWANA Mlungu wako. Ituku ijo, kusakebonya kazi ingi; oho, angu mwana wako wa womi, angu mwana wako wa waka, angu mzumba wako wa womi hata wa waka, mfugho rako, angu mghenyi uko andenyi ya mbenge rako.

KUFUMA 20:8

“Kukumbuke kujielesha ituku ja Sabato;

MAKATANISHO 14:16

Mundu wa hikima wadakulindia na kukutanya na wuwiwi, ela mkelu ndekuwadiagha hata ndetalagha.

MAKATANISHO 16:17

Mundu mucha wadalegha chia mbiwi, uo ulindiagha mighendo yake wadajilindia irangi jake.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 4:13

Kumazirie mafundisho, kuseghilekerie; kughilindie, angu ni irangi jako.

MAKATANISHO 4:27

Tana na wuwiwi, kughende nicha, kuseghende mlambo ghumweri kula na chia ya hachi.

MCHILI 7:18

Kuinjikie malagho ghichumbagha ghose. Kukakaia na kuobua kwa Mlungu, kuchakaia nicha kwa maza rose.

ISAYA 56:4

BWANA waghamba huwu, “Kolowi uo uriwadiagha Sabato rapo, na kusaghua iro maza nirikundagha, na kumaziria ilaghano japo,

ISAYA 56:6

“Na waghenyi awo wikufunyire kukukwanya na BWANA, wimdumikie na kujikunda irina jake wikikaia wadumiki wake, kula mundu uiwadiagha Sabato kuseko na kuinona, nao wamaziria ilaghano japo,

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

EZEKIELI 20:12

Sena ngawineka Sabato rapo wiriwadieghe; ikaie alama aghadi yapo na awo, eri wipate kumanya kukaia ni ini BWANA niwieleshagha.

EZEKIELI 20:20

Mueleshe Sabato rapo ripate kukaia alama aghadi ya ini na inyo; mpate kumanya angu ini ne BWANA Mlungu onyu.

WALAWI 19:30

Mchawadia sabato rapo na kulindia Andu Kwapo kwa Wueli; ini ne BWANA.

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

LUKA 12:43

Warasimilwa uja mdumiki iji bwana wake wacha na kumkua ukibonya wokoni.

JOHANE 13:17

Ngera mwaghimanya agha, mwarasimilwa mkaghibonya.

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.