ISAYA 55:8 - Biblia Ilagho Jiboie Kwa Wandu Wose

⁸ BWANA waghamba, “Maririkanyo ghapo ndeghiko sa ghenyu, hata chia rapo nderiko sa chia renyu anduangi.

ISAYA 55:8 ပူးပေါင်းရင်းမြစ်များ

2 SAMUELI 7:19

Nao sena ee Bwana MLUNGU, kukawona agho ni matini, kukachuria kulaghira kukaia kuchaniaghia ini mdumiki wako nyumba matuku ghichagha; sena kwaja malagho gha kivalwa chake chichagha ee Bwana MLUNGU!

2 WAZURI 5:11

Ela Naamani ukajokwa ni machu, ukaghenda noko ukighamba, “Zighanenyi! Nedeghesha wei wachagha na kukaia kimusi kaavui na ini, nao ulombe kwa BWANA Mlungu wake, na kuisa mkonu ghwake andu sima iko, na kuniboisa.

AYUBU 35:5

Zighana cha mawingunyi kuwone; wona mawingu ghiko ighu kukuchumba.

ZABURI 25:10

BWANA wadawilongoza awo wijiwadiagha ilaghano jake, na kuinugha memu yake kwa lukundo lukatie na wuloli.

ZABURI 33:11

Njama ya BWANA yadadua kwa kala na kala, makusudi gha ngolo yake ghadua hata vivalwa na vivalwa.

ZABURI 40:5

Mabonyo ghako gha mashiniko, na mipango yako cha kodu ni mingi na ndighi ee BWANA Mlungu odu, ndekuwadie ungi udimagha kufwananishwa na oho! Ngera nadaghieresha na kughora malagho gharo, ndaghatalikagha.

ZABURI 92:5

Ni mbaa saki iro kazi rako ee BWANA! Maghesho ghako gheko ndenyi nandighi!

MAKATANISHO 21:8

Chia ya mundu wa makosa eezama, ela tabia ya mundu mucha yaboie.

MAKATANISHO 25:3

Sa iji mlungunyi kuko ighu, na ndoenyi kuko ndonyi, wokoni kwakurie kughitambua maghesho gha wazuri.

ISAYA 14:24

BWANA Uwadie Ndighi Rose wabonya ighemi huwu, “Agho nighibonyere mpango ghichabonyeka, na makusudi ghapo ghichakatia.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

ISAYA 65:2

Matuku ghose nadaighorua mikonu yapo kwa wandu wileghie, awo wighendagha kwa chia riseboie; na kunugha mighendo yawo cheni.

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

EZEKIELI 18:29

Elaima sena wandu wa Israeli waawuyaghamba, ‘BWANA ndewuebonya hachi kungi.’ Si ini ungi nisewuebonya hachi, ela ni inyo msewuebonya hachi ee wandu wa Israeli.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”