ISAYA 55:6 - Biblia Ilagho Jiboie Kwa Wandu Wose

⁶ Mlolenyi BWANA, ingelo upatikagha, mmbangenyi ingelo uko kaavui;

ISAYA 55:6 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 19:3

Elaima sena wucha ghumu ghwawonekie kwako, angu kunonie fwana ra mlungu ghwa waka Ashera isangenyi, na kwawuyamlola Mlungu kwa ngolo.”

EZRA 10:2

Niko Shekania mwana wa Jehieli wa Kichuku cha Elamu ukamzera Ezra, “Damerie kuchikanya malaghiro ghedu na Mlungu kwa kulowua waka wa kighenyi; ela hata huwo saki, isuwirio kwa Israeli jaduagha aeni.

AYUBU 8:5

Kukamlola Mlungu, na kumvoya Uo-Uwadie-Ndighi-Rose,

ZABURI 14:2

BWANA wadawizighana wadamu kufuma mlungunyi, uwone ngera oko mndungi uko na hikima, umlolagha Mlungu.

ZABURI 145:18

BWANA oko kaavui na wose wimmbangiagha, awo wose wimmbangiagha kwa loli.

ZABURI 148:14

Waibonyere mbari yake kukaia na ndighi eri wandu wake wose wimkase, awo wandu wa Israeli uwikunde nandighi. BWANA ndekaso!

ZABURI 27:8

Oho kwaghambie, “Nilolenyi.” Nani naghamba, “Nichakulola ee BWANA;

ZABURI 32:6

Kwa huwo kula mundu ukuobuagha, ndelombe kwako; iji wasi ghwamchea sa machi mengi, ndeghuchaamvikia.

ZABURI 34:19

Mundu wa hachi wadima kupatwa ni matiriro mengi, ela BWANA wadamkira nagho ghose.

ZABURI 75:1

Dakufunyira chawucha ee Mlungu, dakufunyira chawucha; daeresha malagho gha wubaa ghwako, na kughora malagho gha mabonyo ghako gha mashiniko.

ZABURI 95:7

Uo ni Mlungu odu, nesi de wandu wa malisha ghake, na ng'ondi urilindiagha. Mkasikira lwaka lwake idime,

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 58:9

Niko aho kuchaniwanga ini BWANA, nani nichakudika, kuchanikemia nani nichaghamba: Neko aha. “Iji kwaleka kukoronga, na kuloda na chala kukideda kiwiwi,

ISAYA 65:10

Sharoni ichawuya andu kolishira ng'ondi, na Vololo ya Akori ichawuya andu kodimishira ng'ombe ra wandu wapo werenilolieghe.

ISAYA 65:24

Nichawidika imbiri wiseniwangie, na hata iji wisemerie kunilomba nichakaia nameria kusikira.

JEREMIA 25:5

wikighamba, ‘Ghalukenyi idana, kula umu onyu ufume kwa mighendo yake ya wuwiwi na mabonyo ghake ghizamie, mpate kujikaia isanga ijo BWANA oremnekieghe inyo na weke ndeyo kufuma koicho hata kwa kala.

JEREMIA 33:3

“Niwange nani nichakutumbulia; nichakughoria maza mbaa rivisikie, iro kusererimanyireghe.

EZEKIELI 14:6

“Kwa huwo, kuwizere wandu wa Israeli kukaia uo Bwana MLUNGU waghamba huwu, Heenyi mghaluke, mfume kwa milimu yenyu, na kuinjikia ugho wuchafu ghonyu ghose.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

EZEKIELI 8:6

Mlungu ukanizera, “Mwana wa mdamu, kwawona seji wibonyagha? Wandu wa Israeli wawuyabonya wuchafu m'baa ghonifunya na kuniwika kula na Andu Kwapo kwa Wueli. Ela kuchawona wuchafu m'baa kuchumba ugho.”

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

JONA 3:8

Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo.

MATHAYO 5:25

Patana na mshitaki wako ngelo mkighenda kotinyi. Isechekaia ukughenje kwa mtanyi, na mtanyi ukufunye mikonunyi kwa asikari, na aho kungiro kifungonyi.

LUKA 13:25

Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, ‘Bwana dirughuye.’ Nao uchamtumbulia, ‘Simmanyire andu mfumagha anduangi.’

JOHANE 8:21

Nao Jesu ukawizera sena, “Nichaghenda noko nenyo mchanilola, ela mchafwa kaung'enyi konyu. Andu nighendagha, inyo ndemdimagha kucha anduangi.”

WAEFESO 3:13

Niko namlomba, inyo msefo ngolo kwa matiriro niko nagho kwa wundu ghonyu; angu agho ni wubaa ghonyu.

WUKUMBUSO 4:29

Na aeni aho kuko, kuchamlola BWANA Mlungu wako, na kumpata iji kwamlola kwa ngolo yako yose na kwa roho yako yose.

WUKUMBUSO 4:7

“Ni mbari iyao mbaa ikwanye na mlungu ghwawo kaavui seji BWANA Mlungu odu uko nesi ingelo dimmbangagha?

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

WAEBRANIA 3:13

Ela mshashirane mmbeni na mmbeni kula ituku jiwangwagha “Idime”, eri mndungi onyu usekechakaia ughilikie kwa wukalo ghwa kaung'a.