ISAYA 55:4 - Biblia Ilagho Jiboie Kwa Wandu Wose

⁴ Olenyi nam'bonyere ukaie wushuhuda kwa wandu, kilongozi na m'baa wa wandu.

ISAYA 55:4 ပူးပေါင်းရင်းမြစ်များ

2 SAMUELI 22:44

“Oho kwanikirie na nganyi ra wandu wapo, kukaniwika nikaie kilongozi cha mbari ra wandu; hata nawuyadumikilwa ni wandu niserewimanyireghe.

ZABURI 18:43

Kwanikirie nisesimane na wandu, kukaniwika nikaie m'baa wa mbari ra wandu; wandu niserewiichighi wikanidumikia.

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ISAYA 16:5

Niko icho kifumbi cha nguma chichamangishwa kwa lukundo lukatie, na umu wa kivalwa cha Daudi uko mloli uchachiseria, uo utanyagha ukilola hachi, nao ndemukagha kubonya hachi.)

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 43:12

Naereshere, ngakira, sena ngawonyera, ingelo mlungu ghungi ghwa kighenyi ghuserekoghe konyu; nenyo moko washahidi wapo; waghamba BWANA.

JEREMIA 30:9

Ela wichamdumikia BWANA Mlungu wawo; na umu wa kivalwa cha Daudi mzuri wawo, uo nichaammbusira kwa wundu ghwawo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

DANIELI 9:25

Kwa huwo kumanye sena kutambukilo kukaia, kufuma momu ghwafunywa Jerusalemu iagho sena, hata kucha kwa mshingwa mavuda, uo m'bonyi nguma, ichakaia ni miaka mfungade mando mfungade. Sena kwa miaka mirongo irandadu na iwi mando mfungade, ichaaghwa sena na chia rake mbaa, na mahandaki, elaima kwa wasi.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 10:3

Mlindiri mnyango wadamrughuya; na ng'ondi radasikira lwaka lwake ukiriwanga kwa marina ghawo, nao wadarighenja shighadi.

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

JOHANE 13:13

Inyo mwadaniwanga Mwalimu na Bwana, nenyo mwabonya nicha; angu niko koni niko.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

WAEFESO 5:24

Na sa iji koni ikanisa jiko aisi ya Kristo, huwo koni na waka ndewikaie aisi ya womi wawo kwa maza rose.

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

1 TIMOTHEO 6:13

Nakulaghira imbiri ya Mlungu uo uviwikagha moyo vilambo vose, na imbiri ya Kristo Jesu uo orefunyireghe wushuhuda ghwa irumirio jake imbiri ya Pontio Pilato;

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.