ISAYA 55:3 - Biblia Ilagho Jiboie Kwa Wandu Wose

³ “Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

ISAYA 55:3 ပူးပေါင်းရင်းမြစ်များ

KUZOYA 17:7

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 SAMUELI 23:5

Hee, si huwo koni kivalwa chapo chiko na Mlungu? Angu orenibonyereghe ilaghano ja kala na kala, jilaghirilo na kumangishwa kwa wundu ghwa vilambo vose. Welee, ndechaanibonya niwone nicha na kunikatishira bea yapo anguwada?

2 SAMUELI 7:29

Kwa huwo idana kuboilo kuirasimia nyumba yapo ini mdumiki wako, eri ipate kudua kwa kala imbiri kwako, kwa kukaia oho ee Bwana MLUNGU kwajighorie ilagho iji, na nyumba yapo ini mdumiki wako icharasimilwa kunughana na ijo irasimio jako kwa kala na kala.”

2 MALAGHO GHA NGELO 6:42

Ee BWANA Mlungu, kusakemlegha mshingwa mavuda wako! Kumbuka lukundo lwako lukatie, kwa mdumiki wako Daudi.”

ZABURI 119:112

Nadumbue malagho ghekatisha sharia rako hata kutua kwa irangi japo.

ZABURI 119:175

Kunikaishe moyo, nipate kukukasa; malaghiro ghako ndeghinitesie.

ZABURI 78:1

Sikirienyi mafundisho ghapo ee wandu wapo, deghenyi madu msikire malagho nimghoriagha!

ZABURI 89:28

Nichamkunda kwa kala na kala, na ilaghano japo nao jichadua kwa kala.

ZABURI 89:29

Nichachibonya kivalwa chake chiduo kwa kala sa mawingunyi, nacho chichabonya nguma matuku ghose.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

MAKATANISHO 4:20

Mwana wapo, sikiria malagho ghapo; degha kudu kwa madedo ghapo.

MAKATANISHO 7:2

Wadia malaghiro ghapo kukaie moyo; kulindie mafundisho ghapo sa mundu wa iriso jako.

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 54:10

Mighondi mibaa na mitini yadima kuinjwa, ela lukundo lwapo lukatie ndeluchaainjwa kwako, na ilaghano japo ja sere sichaajiinja. Naghamba ini BWANA, uo ukuwoniagha wughoma.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

JEREMIA 30:9

Ela wichamdumikia BWANA Mlungu wawo; na umu wa kivalwa cha Daudi mzuri wawo, uo nichaammbusira kwa wundu ghwawo.

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

JEREMIA 33:26

aho niko nichaalegha kivalwa cha Jakobo, na mdumiki wapo Daudi, nani sichaamsaghua ungi wa kivalwa chake ubonye nguma aighu ya kivalwa cha Abrahamu, Isaaka na Jakobo. Angu nichawifuya wughoma na kuwiwunja andu kwawo.”

JEREMIA 38:20

Ngaghamba, “Ndewikuwadagha kungi. Oho sikira lwaka lwa BWANA kwa ghose nikughoriagha, na oho kuchakaia nicha hata ndekuchaabwaghwa anduangi.

JEREMIA 50:5

Wichakotia chia eghende cha Sioni na mawushu ghawo ghikilangaya aho, wikighamba, ‘Choonyi diwadane na BWANA kwa ilaghano ja kala na kala jisechaaliwika jingi.’

EZEKIELI 16:60

elaima nichajikumbuka ilaghano japo nerejibonyereghe na oho ngelo ya wanake ghwako; nani nichajimangisha jiwuye ilaghano ja kala na kala.

EZEKIELI 34:24

Na ini BWANA nichakaia Mlungu wawo, na mdumiki wapo Daudi uchakaia m'baa wawo; ini BWANA najighora ilagho ijo.

EZEKIELI 34:25

Nichabonya ilaghano ja sere andwamweri naro, na kuinja nyamandu ra isakenyi rifume isangenyi; ripate kukaia banana kireti, rikilala kilembenyi.

EZEKIELI 37:26

Nichabonya ilaghano ja sere nawo, najo jichakaia ilaghano ja kala na kala. Nichawimangisha na kuwibonya wichurikie; na Andu Kwapo kwa Wueli nichakuwika aghadi kwawo kwa kala na kala.

WALAWI 18:5

Kwa huwo, mmbwadie sharia rapo na memu yapo, na kwa kubonya huwo mundu uchadua moyo, Ini ne BWANA.

AMOSI 5:4

BWANA Mlungu wawizera wandu wa Israeli huwu: “Nilolenyi mpate kukaia moyo.

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

MATHAYO 11:28

Choonyi kwapo inyo mmbose msumbukagha na kulemerelwa ni misigo, nani nichamhoresha.

MATHAYO 13:16

“Ela inyo mwarasimilwa angu meso ghenyu ghawona na madu ghenyu ghasikira.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

JOHANE 10:27

Ng'ondi rapo radasikira lwaka lwapo, nani nariichi, naro raninugha.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

JOHANE 7:37

Nao ituku ja kutua mbai, ituku ibaa ja Ndima, Jesu ukakaia kimusi na kughora kwa lwaka lubaa, “Ngera mndungi waoma, ndeche kwapo unyo.

JOHANE 8:47

Uo uko wa Mlungu wadasikira malagho gha Mlungu. Ela inyo ndemko wa Mlungu, niko msesikiragha.”

MABONYO GHA WADUMI 13:34

Na kwa wuloli ghuwonyeragha angu wamrukishire kufuma kwa wafu, usewuyaa-wuya kwa kuwoa kungi, Mlungu waghorie huwu: ‘Nichakuneka marasimio gha wueli na gha loli agho neremlaghirieghe Daudi.’

WAROMA 10:5

Musa oreandikieghe kukaia, mundu uo ose ubonyagha hachi kwa chia ya kuikatisha Sharia uchakaia moyo.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,