ISAYA 55:2 - Biblia Ilagho Jiboie Kwa Wandu Wose

² Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

ISAYA 55:2 ပူးပေါင်းရင်းမြစ်များ

ZABURI 22:26

Wakiwa wichaja na kughuda; awo wimlolagha BWANA, wichamkasa. Awo ndewiduo kwa kala na kala.

ZABURI 34:11

Choonyi wanake munisikirie, nichamfundisha seji imfwanagha kumuobua BWANA.

ZABURI 36:8

Wadaghudishwa ni wungi ghwa vindo va nyumbenyi kwako, na oho kwadawinyosha kufuma modenyi ghwa kuboilwa kwako.

ZABURI 63:5

Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

MAKATANISHO 1:33

Ela uhu unisikiragha uchadua banana; uchakaia banana, nao ndechaobua kiwiwi chingi anduangi.”

MAKATANISHO 7:23

hata ilaso na iwanu ja ngolo. Orekoghe sa nyonyi ighendiagha mdegho; nderekoghe ukimanya wei irangi jake jeeka ndengonyi.

MAKATANISHO 8:32

“Idana wana wapo, nisikirenyi. Warasimilwa awa wibonyagha seji nighoragha.

MAKATANISHO 9:5

“Choo kuje vindo vapo; kunyo divei naiboisa.

MCHILI 6:2

Mundu wanekwa mali ni Mlungu, na vilambo na ishima, nao ndesowagha kilambo chingi uchikunde. Ela sena Mlungu umuime wulalo ghovitumia, na wulalo ghwaro mghenyi uvitumie. Iri naro ni maza ra duu; ni wuwiwi ghuchumbie.

ISAYA 1:19

Mkarumiria na kunisikira, mchaja mecha gha isanga;

ISAYA 10:27

Ngelo iyo nichaghuinja msigo ghwa makorongo ghawo ghuinjike maweghenyi konyu, na ghongolo yawo nichaichikanya ifume singonyi konyu.”

ISAYA 25:6

BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

ISAYA 46:6

Awa wifunyagha dhahabu mifukonyi kwawo, na kupima feza rawo kwa ratili, wadamneka mchani dhahabu, upate kubonya mlungu, nawo waighoghomia na kuitasa!

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

ISAYA 62:9

Ela awo wandu weni werevikuwidireghe wichaja vindo varo na kunikasa ini BWANA; na awo wereriwaieghe zabibu wichanywa divei yaro wazenyi kwa Andu kwapo kwa Wueli.”

ISAYA 65:23

Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 17:24

“‘Ela mkanisikira, waghamba BWANA, nao mkaie msedukie misigo na kungia nayo mbengenyi ra muzi ughu ituku ja Sabato, ela muieleshe Sabato, hata msebonye kazi ingi,

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 31:14

Nichaghudisha mkohani na vindo kwa wungi, na wandu wapo wchakatwa ni wucha ghwapo, Ini BWANA naghamba.”

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

HABAKUKI 2:13

Welee, ndemmbonagha kukaia maza iri reefuma kwa BWANA Uwadie-Ndighi-Rose; ra wandu kubonya kazi rekorwa, na wandu wa iro mbari kudumika duu?

MATHAYO 15:9

Kunitasa kwawo ni kwa duu angu wadafundisha memu yawo cheni, seji ni memu ya Mlungu.’”

MATHAYO 22:4

Ukaduma wadumiki wazima sena ukighamba, ‘Wizerenyi awo wandu werekaribishiroghe, Olenyi nawika vindo vapo tayari, njau na ngache ribandie rameria kubwaghwa, na kula kilambo cheko tayari; choonyi arusinyi.’

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

MARKO 7:14

Jesu ukajiwanga izungu ja wandu wimchee sena, ukawizera, “Nisikirienyi inyo mmbose, sena mtambukilo.

LUKA 15:23

Sena mrede ija ngache ibandie muibwaghe, dipate kuja na kubonya maseko.

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

WAROMA 10:17

Kwa huwo irumirio jiachanya na kusikira Ilagho, na jija Ilagho jiachanya na kumchila Kristo.

WAROMA 9:31

Ela Waisraeli awo wereilolieghe hachi kwa chia ya Sharia, walemelo ni kukatisha iyo Sharia.

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

WAEBRANIA 13:9

Msakelaghashwa ni mafundisho mazima mazima gha kighenyi; angu ni nicha iyo ngolo imangisho kwa mvono ghwa Mlungu, hata si kwa vindo anduangi; ivo visemnekagha fwaida ingi uo mundu unughanagha navo.