ISAYA 55:11 - Biblia Ilagho Jiboie Kwa Wandu Wose

¹¹ niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

ISAYA 55:11 ပူးပေါင်းရင်းမြစ်များ

MATHAYO 24:35

Mlungunyi na ndoenyi kuchaida, ela madedo ghapo ndeghichaaida anduangi.

ISAYA 46:10

Kufuma kala nadaghora maza richagha imbiri risechee, maza righorelo kon kala uko risebonyekie; ngighamba ‘Njama rapo richadua, na mipango yapo nichaikatisha;’

WAROMA 10:17

Kwa huwo irumirio jiachanya na kusikira Ilagho, na jija Ilagho jiachanya na kumchila Kristo.

JOHANE 6:63

Uja Roho nuo unekagha irangi, ela mumbi ndeghudimagha ilagho jingi anduangi. Malagho namghoria ni Roho na irangi.

ISAYA 45:23

Naghemie kwa ini nimoni kukaia, ilagho japo ja hachi ndejichaaghosha; jighambagha, ‘Kula mundu uchanidungia ngokoro, na kughema kwa momu ghwake imbiri kwapo.’

1 WAKORINTHO 1:18

Angu ilagho ja msalaba ni wukelu kwa awa witotagha, ela kodu isi dikirwagha, ni ndighi ra Mlungu.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

1 PETRO 1:23

Mwamerie kuvalwa wuwishi, kwa chia ya ilagho ja Mlungu jiko moyo; si kwa mbeu iwoagha, ela kwa iyo isewoagha anduangi.

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

WAEBRANIA 6:7

Ija ndoe inywagha machi gha vua inyagha aighu yaro shwa kwa shwa, na kuva mavalo ghiwifwanagha awo wandu wereilimieghe, yadarasimilwa ni Mlungu.

ISAYA 54:9

“Agha naghifwananisha na matuku gha Nuhu, sa iji koni nereghemieghe kwa Nuhu kukaia machi mengi ndeghichaacha ndoenyi sena, niko koni naghema kukaia sichaakaia na machu na oho, hata sichaakubukia anduangi.

WUKUMBUSO 32:2

Mafundisho ghapo ndeghitonye-tonye sa vua, na madedo ghapo ghisee sa mami; sa vua inyagha mboa-mboa aighu ya mghina, na sa mshushure aighu ya nyasi mbishi.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

ISAYA 40:8

Nyasi radanyaya, na mboi radapotoka; ela ilagho ja Mlungu odu jadadua kwa kala.”

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

ISAYA 59:21

“Nichabonya ilaghano japo nenyo huwu: Uo Roho wapo uko aighu konyu, na malagho ghapo naghingira memunyi konyu, ndeghichaafuma memunyi konyu, na memunyi kwa wana wenyu, hata memunyi kwa weke wawayo kufuma idana, hata kwa kala na kala.”

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

EZEKIELI 24:14

Ini BWANA naghamba, agho malagho ghichakatia; nichaghibonya nimoni. Sichaawuya nyuma, hata sichaalekia, angu kughaluka; ela kunughana na chia ra mabonyo ghako, nichakutanya. Ini Bwana MLUNGU naghamba.”

AMOSI 6:11

BWANA ukafunya momu, nyumba mbaa na ndini richachikanywa vipande vipande.

1 SAMUELI 3:19

Samueli ukazoghua, na BWANA ukakaia andwamweri nao, hata nderesighieghe ilagho jingi jake usejikatishire anduangi.

JEREMIA 1:11

Niko BWANA ukaghora nani ukinizera, “Jeremia, niki kwawuyachiwona?” Nani ngaghamba, “Naawuyawona lumbashu lwa mlozi.”

JEREMIA 1:12

Niko BWANA ukanizera, “Kwawona kara kara, kwa kukaia naawuyajizighana ilagho japo nipate kujikatisha.”

JEREMIA 1:13

BWANA ukaghora nani sena indo ja kawi ukinizera, “Kwawuyawona kii?” Nani ngaghamba, “Naawuyawona nyungu idoghodagha cha kaskazinyi.”

JEREMIA 25:13

Nichaghikatisha malagho ghose nereghighorieghe aighu ya Babuloni, ee, kula ilagho jiandikilo andenyi ya ichi chuo seji Jeremia orefunyireghe wulodi aighu ya mbari rose.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”