ISAYA 55:1 - Biblia Ilagho Jiboie Kwa Wandu Wose

¹ BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

ISAYA 55:1 ပူးပေါင်းရင်းမြစ်များ

ZABURI 143:6

Nakughoruya mikonu yapo ngilomba; roho yapo yakaia na kau na oho sa ndoe iomie.

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

MAKATANISHO 8:4

“Naawuyammbanga inyo wandu; naawuyaghora nenyo wadamu.

MAKATANISHO 9:1

Hikima waaghie nyumba yake, ukaidungia nguro rake mfungade.

MAKATANISHO 9:5

“Choo kuje vindo vapo; kunyo divei naiboisa.

LUMBO 1:2

Ado ndakwanisusughaa na momu ghwako, kwa kukaia lukundo lwako lwaboie kuchumba divei.

LUMBO 1:4

Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ISAYA 1:19

Mkarumiria na kunisikira, mchaja mecha gha isanga;

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 52:3

BWANA waghamba huwu: “Modeuzwa kuseko na ighuri, nenyo mchakombolwa kuseko na malipo ghangi.

KILILO CHA JEREMIA 5:4

Suti dilipie machi dawuyanywa, na mbande suti dirighuo.

EZEKIELI 47:1

Uja mundu ukanidwa na kuniwunja mnyangonyi ghwa Hekalu, ngawona machi ghikisea nandonyi ya kizingiti cha Hekalu, na kughenda cha mashariki andu Hekalu ilangayagha. Machi agho gherekoghe ghikisea kufuma chia ya kusinyi ya Hekalu na kuidiria chia ya kusinyi ya madhabahu.

EZEKIELI 47:9

Na andu kose agho machi ghichaaida, kula kilambo chiko moyo chichakaia moyo; na samaki richakaia nyingi nandighi, angu agho machi ghavika aho eri machi gha baharinyi ghiwuye ghihorie; kwa huwo andu ugho moda ghuchaavika, kula kilambo chichakaia moyo.

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

JOELI 3:18

“Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

ZEKARIA 10:7

Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

ZEKARIA 2:6

BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.”

ZEKARIA 9:15

BWANA Uwadie-Ndighi-Rose uchawilindia wandu wake, nawo wichawitotesha wamaiza wawo; wichakema wudenyi sa wawongeri, nawo wichawibwagha wamaiza wawo, bagha yawo ichadika sa ya vizongona yadilwa madhabahunyi.

MATHAYO 10:8

Wiboisenyi wakongo, wirukishenyi wafu, wieleshenyi awo wiko na sima, riwingenyi pepo. Mwanekelo duu, mfunye duu.

MATHAYO 13:44

“Wuzuri ghwa mlungunyi ghwafwanana na mali ivisiro mbuwenyi. Mndumu uendaiwona, ukaivisa sena; ukaghenda kwa kuboilwa, ukauza vilambo vake vose orekoghe navo, ukaighua ija mbuwa.

MATHAYO 26:29

Namghoria angu sichaanywa divei sena hata ituku jija nichaainywa mbishi andwamweri nenyo kwa wuzuri ghwa Aba.”

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

MABONYO GHA WADUMI 8:20

Ela Petro ukamzera, “Feza yako ndeitote andwamweri na kumoni, angu kwaghesha wei kwadima kujighua inosi ja Mlungu kwa pesa!

WAROMA 3:24

wiatalwa kukaia na hachi duu kwa mvono ghwa Mlungu sa inosi, kwa chia ya wukomboli ghuko kwa Kristo Jesu;

1 WAKORINTHO 3:2

Neremnyoshereghe mariwa, seremnekieghe vindo vikurie anduangi; angu ndemorevidimagha kungi.

1 PETRO 2:2

Sa wana wavalwa idakoni, ghikundenyi nandighi agho mariwa ghielie gha kiroho, ghipate kumzoghora hata mvikie kukia;

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

RUTHU 4:1

Boazi ukaghenda hata andu kokwania mbengenyi ya muzi, ukasea kidombo aho. Nao uo mundu wa ifwa ja Elimeleki oremghoragha ukacha. Niko Boazi ukaghamba, “Ghaluka iichia mghenyi wapo kusee kidombo aha.” Ukaghaluka, ukasea kidombo.