ISAYA 54:9 - Biblia Ilagho Jiboie Kwa Wandu Wose

⁹ “Agha naghifwananisha na matuku gha Nuhu, sa iji koni nereghemieghe kwa Nuhu kukaia machi mengi ndeghichaacha ndoenyi sena, niko koni naghema kukaia sichaakaia na machu na oho, hata sichaakubukia anduangi.

ISAYA 54:9 ပူးပေါင်းရင်းမြစ်များ

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

AYUBU 11:16

Kuchaliwa wasi ghwako, na kughukumbuka sa machi ghameria kuida.

ZABURI 104:9

Korebonyereghe mwano machi ghisechumbe, ghisechewuyafinikira ndoenyi sena.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 49:18

Wusira meso ghako kuzighane kose kuwone; wandu wako wose wakwanyika wiakuchea oho. Sa iji koni niko moyo, waghamba BWANA, wandu wako wichakaia kwako sa mapambo, wichakaia aghadi kwako sa mapambo gha mwai ulowolwagha.

ISAYA 51:22

BWANA, uo BWANA Mlungu wako ukudederiagha waghamba huwu, “Ola icho kikombe chawuyakutatarisha nameria kuchiinja mkonunyi kwako, ndekuchaanywa icho kikombe cha machu ghapo sena anduangi.

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

ISAYA 51:8

Angu awo wichajighwa seji soya ijagha nguwo, na seji vivunyu vijagha sufu; ela hachi yapo ichadua kwa kala, na kukia kwapo kuchakaia kwa vivalwa vose.”

ISAYA 55:11

niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

JEREMIA 31:37

BWANA waghamba huwu: “Ikakaia idimikagha mlungunyi koighu kupimo, na misingi ya ndoenyi naisi idimagha kumanywa, niko kivalwa cha Israeli nichaachilegha putu kwa wundu ghwa agho ghose wibonyere.”

EZEKIELI 16:42

Huwo nichakatisha lubio lwapo aighu yako, na iriso japo jichasia; machu ghapo ghichahoa, hata ndeghichaajoka sena anduangi.

EZEKIELI 39:20

Nenyo mchaghuda vindo vapo va nyama ra farasi na wajoki farasi, na wandu wiwadie ndighi, na ra wandu wa wuda wa kula mbari, ini Bwana MLUNGU naghamba.”

EZEKIELI 39:29

hata sichaaleka kuwizighana sena, iji nadia Roho wapo kwa wandu wa Israeli. Ini Bwana MLUNGU naghamba.”