ISAYA 54:7 - Biblia Ilagho Jiboie Kwa Wandu Wose

⁷ “Nerekusighieghe kwa ngelo vui, ela nichakuwunja kwa wughoma m'baa.

ISAYA 54:7 ပူးပေါင်းရင်းမြစ်များ

ZABURI 106:47

Dikire ee BWANA Mlungu odu, kudiwunje kufuma kwa mbari zima, dipate kukufunyira chawucha na kujikasa irina jako ja wueli.

ZABURI 107:3

na kummbunja kufuma masanga gha kighenyi, kufuma mashariki, na magharibi; kufuma kaskazinyi na kusinyi.

ZABURI 30:5

Machu ghake ni gha ngelo ndini, ela wucha ghwake ghwadua matuku ghose. Kililo chadima kudwa kio kilazi, ela kuboilwa kwadacha nakesho.

ZABURI 30:6

Niendakaia nicha nereghambieghe, “Na jingi sichaanyavurika.”

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 26:20

Choonyi wandu wapo, mngie vumbenyi konyu; mrughe minyango na kukuvisa kwa kapindi; hata agho machu ghameria kusia.

ISAYA 27:12

Ngelo iyo, BWANA uchachana na kuela wandu wake sa ngano, kufuma Moda ghwa Eufrate hata kamoda ka Misri; nenyo mchakwanywa umweri umweri, ee wandu wa Israeli.

ISAYA 27:8

Kipimo kwa kipimo, korelueghe nawo na kuwighenja wubarishonyi. Korewiinjireghe kwa makabo ghibirie, sa kwa kiremba chenona cha mashariki.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 49:13

Borenyi kwa kuboilwa inyo mlungunyi, na inyo ndoenyi mkabe lukilighili, mighondi ndeibore, kwa kukaia BWANA wawihoresha wandu wake wikorongelo, nao uchakaia na wughoma aighu kwawo.

ISAYA 49:18

Wusira meso ghako kuzighane kose kuwone; wandu wako wose wakwanyika wiakuchea oho. Sa iji koni niko moyo, waghamba BWANA, wandu wako wichakaia kwako sa mapambo, wichakaia aghadi kwako sa mapambo gha mwai ulowolwagha.

ISAYA 49:21

Na oho kuchaghora ngolonyi kwako, ‘Awa wana wose wavalo nani? Ini nerefuiloghe ngasighwa nisewadie wana, ngafunywa na kudwalwa wunyika; idana awa wana walelelo nani? Ini nedesighwa niekeri awa wandu awo wafumie hao?’”

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

ISAYA 60:10

BWANA waghuzera muzi ghwa Jerusalemu huwu, “Waghenyi wichaagha sena mawurigha ghako, na wazuri wawo wichakudumikia; angu nerekukabieghe kwa machu ghapo, ela kwa kukunda kwapo koni, nerekufueghe wughoma.

ISAYA 60:4

Wusira meso ghako kuzighane chia rose kuwone; wandu wako wose wakwanyika chiaimweri waawuyakuchea; wana wako wa womi wichacha kufuma kula, na wana wako wa waka wichadukwa mikonunyi.

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

ISAYA 63:7

Nichalughora ulo lukundo lukatie lwa BWANA, na kumkasa BWANA kwa maza rose oredibonyereghe, na wucha ghose ughubonyere kwa nyumba ya Israeli kwa wughoma ghwake, karakara na ugho wungi ghwa lukundo lwake lukatie.

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

KILILO CHA JEREMIA 3:31

BWANA ni wa wughoma; ndechaadida putu anduangi.

KILILO CHA JEREMIA 3:32

Wadima kudiredia wasi, ela kwa loli wadikunde putu.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

MIKA 4:6

BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

WAEFESO 1:10

kukaia, kwa ngelo ikatie, upate kuvikwanya vilambo vose andenyi kwake; ivo viko mlungunyi, na ivo viko andoenyi.

WUKUMBUSO 30:3

BWANA Mlungu onyu uchamfuya wughoma. Uchammbunja mfume kwa iro mbari oremsaghisireghe, na kummbunjira mecha ghenyu sena.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”

2 PETRO 3:8

Ela msakesowa kumanya ilagho iji wakundwa; kukaia kwa Bwana Ituku jimweri, ni sa miaka elfu; na miaka elfu, ni sa Ituku jimweri.