ISAYA 54:11 - Biblia Ilagho Jiboie Kwa Wandu Wose

¹¹ “Ee Jerusalemu, muzi kukorongelo na kukumbwa-kumbwa ni kiremba, kusewadie mndungi wa kukuhoresha, ola nichaiagha misingi yako kwa magho gha zoghori mbaa gha safire.

ISAYA 54:11 ပူးပေါင်းရင်းမြစ်များ

1 WAZURI 5:17

Kwa nguma ya Mzuri Solomoni wikawacha magho mabaa ghiboie na kughiduka kwa wundu ghwa msingi ghwa Hekalu.

1 WAZURI 6:30

Na sakafu wori oreishingieghe dhahabu.

1 MALAGHO GHA NGELO 29:2

Nakufungishire ndighi kutumbanya vilambo kwa wundu ghwa Hekalu ya Mlungu wapo; dhahabu, kwa wundu ghwa vilambo va dhahabu; feza, kwa wundu ghwa vilambo va feza; shaba, kwa wundu ghwa vilambo shaba; chuma, kwa wundu ghwa vilambo va chuma; na midi, kwa wundu ghwa vilambo va midi; aighu ya ivo, gheko magho mengi gha zoghori mbaa gha oniksi na ghengira mapambo, na kula kichuku cha magho gha zoghori mbaa, na marimari.

2 MALAGHO GHA NGELO 3:6

Iyo Hekalu ukaipamba kwa magho gha zoghori mbaa, na dhahabu erefumieghe isanga ja Parvaimu.

AYUBU 28:16

Ndeidimagha kughulwa na dhahabu ieleshero, hata lulu riwangwaghwa oniksi na safire.

ZABURI 34:19

Mundu wa hachi wadima kupatwa ni matiriro mengi, ela BWANA wadamkira nagho ghose.

KUFUMA 2:23

Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

KUFUMA 24:10

wikammbona Mlungu wa Waisraeli. Andu orewadirieghe korekoghe seji ni sakafu ya magho gha zoghori gha buluu sa mawingunyi.

KUFUMA 3:2

Malaika wa BWANA ukamfutukia andenyi ya lumu lwa modo kisachinyi. Musa ukawona kukaia kisachi cherekoghe chikiaka modo chiselunguagha!

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

LUMBO 5:14

Mikonu yake eeumbwa nicha, irwae pete ya lulu; mumbi ghwake ghoodendia sa mbembe ra chovu ghurushiro vito va zoghori.

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

ISAYA 49:14

Ela wandu wa Jerusalemu waghambie, “BWANA wamerie kudisigha, BWANA odu wamerie kudiliwa.”

ISAYA 51:21

Kwa huwo sikirenyi agha inyo wandu wa Jerusalemu mkorongelo, inyo mmbongerie msenyue divei:

ISAYA 51:23

Nichawineka awo werekutiriragha icho kikombe, awo wikuzerie, ‘Ghomeka diwoneida naighu yako;’ mghongo ghwako ghukawuya sa ndoe, kara kara na chia yawo eidiria!”

ISAYA 54:12

Nichaiagha minara yako kwa magho ghiboie gha rubi, na minyango yako ichakaia ya lulu; wurigha ghwako ghose nichaghuagha kwa magho gha zoghori mbaa.

ISAYA 54:6

Ini BWANA nakuwangie, sa muka uleghelo na kusirimika rohonyi, sa muka mkoo uleghelo na kukumbwa noko; nani naghamba,

ISAYA 60:15

“Sa iji koni korelegheloghe na kumenywa, kukasowa hata mndungi oidiria kwako; niko koni nichaakubonya kuwoneke wa wubaa na kuboilwa kwa kala na kala.

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”

KILILO CHA JEREMIA 1:21

“Sikira seji nisirimikagha, ndekuwadie mndungi onihoresha. Wamaiza wapo waboilo angu kuniredie wasi. Bonya ijo ituku kujilaghirie jivike, kuwibonye wamaiza wapo witiririke karakara na ini.

EZEKIELI 1:26

Naighu ya mawingunyi, agho gherekoghe naighu ya vongo vawo, korekoghe na kilambo chifwanane na kifumbi cha nguma chiko sa safire; na uo orechiserieghe orefwananeghe na mdamu.

EZEKIELI 10:1

Niko ngazighana, ngawona aighu mawingunyi gherekoghe naighu ya vongo va makerubi, kilambo chimu chifwanane na kifumbi cha nguma chibonyero na igho ja safire.

MIKA 7:11

Wandu wa Jerusalemu, ituku jeagha mawurigha gha Jerusalemu jaawuyacha. Ituku ijo, isanga jako jichachurilwa.

MATHAYO 8:24

Nao ahoeni chikacha kiremba kibaa aja ndiwenyi, hata ishua jikazoya kusukirilwa ni mivo-mivo ya machi. Ela Jesu orekoghe walala.

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

MABONYO GHA WADUMI 14:22

Wikiwimangisha awo warumirii, na kuwifungisha ndighi widuo andenyi ya ijo irumirio wikighamba, “Ni suti dighungie Wuzuri ghwa Mlungu kwa chia ya wasi mungi.”

WAEFESO 2:20

muaghilo aighu ya msingi ghwa wadumi, na walodi, Kristo Jesu moni ukikaia igho ja mbembenyi.

WUKUMBUSO 31:17

Ituku ijo, nichajokwa ni machu aighu yawo, nani nichawisigha na kughaluka noko nisewiwone; nawo wichatoteshwa. Ngelo iyo, wichapatwa ni mawiwi mengi na kusumbuka, hata wivikie kumanya kukaia waapatwa ni agha mawiwi angu ini Mlungu wawo sikwanye nawo.