ISAYA 53:2 - Biblia Ilagho Jiboie Kwa Wandu Wose

² Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 53:2 ပူးပေါင်းရင်းမြစ်များ

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 4:2

Ngelo iyo, lumbashu lwa BWANA luchakaia lughokie, luchue wubaa; na masighariko gha wandu wa Israeli wichaboilwa na kukukasa kwa mavalo gha isanga jawo.

ISAYA 52:14

Wandu wengi weremshinikieghe, kwa kuwona fwana yake seji inonelo nandighi kuchumba mdamu uo ose.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 6:12

Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.

MARKO 6:3

Uhu si uja msaramala, mwana wa Maria, mruna Jakobo, Jose, Juda na Simoni, hata na waruna wa waka ndedikwanye aha mzedu anguwada?” Nao wikaleghana nao.

MARKO 9:12

Nao ukawitumbulia, “Ni loli Elija ucha kandena kuwika maza rose nicha; na kwaki sena Maandiko ghaghamba wei Mwana wa Mdamu uchatirirwa maza nyingi na kumenywa?

LUKA 2:7

Ukava mwana wake wa imbiri wa womi, ukamrighiria nguwo ra kiwanake, ukamrarisha andu mfugho rijiagha kiwandenyi, angu ndekorekoghe na wulalo ghungi nyumbenyi kwa waghenyi anduangi.

LUKA 9:58

Jesu ukamzera, “Mizozo eko na miruma, na nyonyi reko na vijungu, ela Mwana wa Mdamu ndewadie hata andu korarishira chongo chake anduangi.”

JOHANE 18:40

Nao wikaghora kwa lwaka lubaa, “Hata! Uo mbai! Deekunda Baraba.” Na Baraba orekoghe kiting'a.

JOHANE 19:5

Nao Jesu ukafuma shighadi warwa kirumbu cha minjwa na ijoho ja rangi ya zambarau, Pilato ukawizera, “Mzighanenyi uo mundu!”

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

1 PETRO 2:14

angu ngera ni kwa wabaa wa masanga, sa wandu widumilo ni mzuri kuwineka adhabu wandu wibonyagha mawiwi, na kuwikasa awo wibonyagha nicha.