ISAYA 53:12 - Biblia Ilagho Jiboie Kwa Wandu Wose

¹² Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

ISAYA 53:12 ပူးပေါင်းရင်းမြစ်များ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

AYUBU 30:16

“Na idana neko kaavui na kufwa; matiriro ghapo ndeghiwuesia.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ZABURI 22:14

Ndighi rapo ranisia sa machi ghadilwa andonyi; maindi ghapo ghose ghawinika, na ngolo yapo yakaia sa sungu yasagha andenyi kwapo.

KUFUMA 15:9

M'maiza ukaghamba, ‘Nichawinugha niwiwade; nichawaghanya mali rawo, na kwa iro nichakatisha bea yapo. Nichakua lufu lwapo, na kuwitotesha kwa mkonu ghwapo.’

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 52:15

Kwa huwo uchawishinua wandu wa mbari nyingi, na wazuri wichanyama kima kwa wundu ghwake; angu wichawona iro maza wisereghoreloghe, na kuritambua iro maza wisererisikireghe anduangi.”

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ISAYA 53:8

Oredwaloghe noko kutanywa na kutirirwa, ela kivalwa chake ndecheretalieghe ilagho ijo. Orefunyiroghe na kuinjwa kufuma kwa ijo isanga ja awo wiko moyo; odekabwa kwa wundu ghwa makosa gha wandu wapo.

DANIELI 2:45

Kwawonie ijo igho jisedumbulo ni mkonu ghwa mdamu jikisea kufuma mghondinyi na kuifasha ija fwana, chuma, na shaba, na wongo, na feza na dhahabu. Uo Mlungu m'baa wakumanyisha ee mzuri malagho ghichaakaia konyuma. Ndodo ihi ni ya loli na kutambushira kwaro wori ni kwa loli.”

MATHAYO 26:42

Nao ukaghenda sena indo ja kawi ukalomba, “Aba ikakaia ndeidimikagha ichi kikombe chiniide, lukundo lwako lubonyeke.”

MARKO 15:27

Vitoi viwi veresulubishiroghe andwamweri nao, chimu chia ya mkonu ghwake ghwa kiwomi, na chimu chia ya mkonu ghwake ghwa kiwaka. [

MARKO 15:28

Jikakatia jija iandiko jighambagha, “Oretaliloghe chiaimweri na wawiwi.”]

LUKA 22:37

Angu namghoria, suti Maandiko agha ghikatie, ‘Oretaliloghe andwamweri na wakosi,’ na kula iandiko jiandikilo kwa wundu ghwapo, suti jikatisho.”

LUKA 23:25

Ukawifunguya uo mundu weremkundeghe, nao orebonyereghe sheshe na kubwagha, ukamfunya Jesu kwawo wim'bonye seji wikunde.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

WAROMA 8:34

nani uwitanyagha? Ni Kristo Jesu umoni orefueghe? Ee, umoni orerukishiroghe kufuma kwa wafu, sena uko kidombo chia ya mkonu ghwa kiwomi ghwa Mlungu ukidilombia na ndighi?

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

WAKOLOSAI 2:15

Nao ukawisoka ndighi rawo awo wabaa wa ndighi ra kira, na pepo ribonyagha nguma, ukawibonya wiwoneke worinyi kukaia si kilambo chingi; ukizuma aighu yawo kwa ugho msalaba.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.

1 JOHANE 2:1

Wana wapo watini, namuandikia agha eri msebonye kaung'a; ela ngera mndungi wabonya kaung'a, deko na mdederii kwa uja Aba, Jesu Kristo uja Mhachi,

1 JOHANE 2:12

Namuandikia inyo wanake watini, kwa kukaia mwamerie kufuilwa wughoma kaung'a renyu kwa wundu ghwa Kristo.