ISAYA 53:1 - Biblia Ilagho Jiboie Kwa Wandu Wose

¹ “Nani ughirumirie agho malagho dereghisikireghe? Na ndighi ra BWANA rafunukulo kwani?

ISAYA 53:1 ပူးပေါင်းရင်းမြစ်များ

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

LUKA 18:31

Nao Jesu ukawidwa wanughi wake kambai ukawizera, “Olenyi diajoka Jerusalemu, na agho malagho ghose ghiandikilo ni walodi aighu ya Mwana wa Mdamu ghichakatishwa.

JOHANE 1:12

Elaima awa weremmbusireghe, wikarumiria kwake, orewinekieghe ndighi rewuya wana wa Mlungu.

JOHANE 1:7

nao orechieghe kuwighoria wandu malagho gha ugho mwengere, awo wose wimsikiragha wipate kurumiria.

JOHANE 12:38

edeeka huwo eri malagho ghereghoreloghe ni mlodi Isaya ghipate kukatia: “Bwana, nani oreghirumirieghe malagho ghedu? Na ndighi ra Bwana rerewonyeroghe kwani?”

1 WAKORINTHO 1:18

Angu ilagho ja msalaba ni wukelu kwa awa witotagha, ela kodu isi dikirwagha, ni ndighi ra Mlungu.

1 WAKORINTHO 1:24

Ela kwa awo wiwangilo ni Mlungu, ikaiagha ni Wayahudi angu Wagriki, kwawo Kristo ni ndighi ra Mlungu na hikima ya Mlungu.