ISAYA 52:7 - Biblia Ilagho Jiboie Kwa Wandu Wose

⁷ Kwaboie saki kummbona mdumwa ukighenda aighu mighondinyi, kwa wundu ghoeresha malagho mecha; uo uereshagha sere kwa kureda malagho mecha gha kukia; na kughuzera muzi ghwa Jerusalemu, “Mlungu wako wabonya nguma.”

ISAYA 52:7 ပူးပေါင်းရင်းမြစ်များ

ZABURI 59:13

kuwitoteshe kwa machu ghako; kuwimerie putu. Niko wandu wichamanya kukaia, Mlungu wabonyeragha Israeli nguma, na ndoenyi kose.

ZABURI 68:11

BWANA orefunyireghe momu, na awo wereereshereghe malagho gharo, werekoghe wengi nandighi;

ZABURI 93:1

BWANA ni Mzuri, uwadie wubaa na kudima; Waghuwikie wurumwengu na kughumangisha ghusechaanyavurika.

ZABURI 96:10

Righorienyi mbari rose, “BWANA ni Mzuri; ndoenyi koowikwa andu kwaro, kusedimagha kunyavurika; uchawitanya wandu kwa hachi.”

ZABURI 97:1

BWANA ni mzuri, wandu wa ndoenyi ndewizume; masanga gha pwani ndeghiboilo!

ZABURI 98:2

BWANA wamanyisha kukia kwake; wafunukua hachi yake worinyi kwa iro mbari zima.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

ZABURI 99:1

BWANA ni mzuri, wandu ndewisughusike! Wasea kidombo kifumbinyi cha nguma naighu ya makerubi, ndoe ndeizingizike!

LUMBO 2:8

Nasikira lwaka lwa mkundwa wapo. Waawuyacha ukikimbia aighu mighondinyi, waawuyashashira kunichea aighu ya mighondi mitini.

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 41:27

Ni ini BWANA nizoe kughoria Jerusalemu agho malagho; neremdumieghe mundu Jerusalemu kureda malagho mecha, ‘Ola wandu hawa wacha.’

ISAYA 42:11

Kireti na mizi yose iko aho ndeiwusire chwaka rawo kumkasa BWANA, wandu wose wikaiagha mizi ya Kedari, na awo wikaiagha Sela, ndewibore kwa kuboilwa; ndewiwusire chwaka rawo na kukasa aighu mighondinyi.

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

NAHUMU 1:15

Wona mdumwa waawuyacha aighu mghondinyi na malagho mecha; waawuyachaghora malagho gha wusimi! Bonyenyi karamu ee wandu wa Juda, mumneke Mlungu ivo moremlaghirieghe; mmbiwi ndechaakaba isanga jako sena, oosimwa putu.

NAHUMU 2:1

Nineve, Mtoteshi waawuyacha kukukaba! Lindia ngome. Kuzighaneghe chia rako. Kukuwike nicha kwa wuda.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

MARKO 13:10

Ela imbiri ya iro, suti Ilagho Jiboie jichilo kwa mbari rose.

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

LUKA 2:10

Malaika ukawizera, “Msakeobua, angu namredia inyo malagho mecha gha kuboilwa kubaa kuchaakaia kwa wandu wose;

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

WAEFESO 6:15

na kuja kukaia tayari kwa kueresha Ilagho Jiboie ja sere sa vadu maghunyi konyu.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 14:6

Niko ngawona malaika umu ukiburuka mbeonyi, uko na Ilagho Jiboie ja kala na kala; upate kuwichilia awo wikaiagha ndoenyi wa kula mbari, kichuku, kiteto, na wandu;