ISAYA 52:6 - Biblia Ilagho Jiboie Kwa Wandu Wose

⁶ Kwa huwo wandu wapo wichanimanya ituku jija kukaia, ni Ini nidedagha, na ni Ini niko aha.”

ISAYA 52:6 ပူးပေါင်းရင်းမြစ်များ

ZABURI 48:10

Kwawuyakaswa kula andu ee Mlungu, na sare yako yaera ndoenyi kose; oho kwadabonya nguma kwa hachi.

KUFUMA 3:13

Musa ukamzera Mlungu, “Ngaghenda kwa wandu wa Israeli nao niwizere, ‘Mlungu wa weke ndeyo waniduma konyu,’ na wikanikotia, ‘Irina jake nani?’ niwizera wada?”

KUFUMA 33:19

BWANA ukamtumbulia, “Nichaghubonya wucha ghwapo ghose ghukirie imbiri kwako, nani nichajighora irina japo ja wueli ‘BWANA’ imbiri kwako. Nadawifuya wughoma na kuwiwonyera mvono awa niwikundagha.

KUFUMA 6:3

Neremfutukieghe Abrahamu, Isaaka, na Jakobo sa Mlungu Uwadie-Ndighi-Rose; ela kwa irina japo ‘BWANA’ serekumanyishireghe kwawo anduangi.

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 42:9

Olenyi niamghoria kiimbiri kukaia, maza ra kala riaida, nani idana niamghoria maza mbishi.”

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 60:16

Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

EZEKIELI 20:44

Nenyo mchamanya kukaia ini ne BWANA, ingelo nichaakaia ngim'bonyera agho kwa wundu gholindia ishima ja irina japo, kuseko na kumtalia iro chia renyu mbiwi, na mabonyo ghenyu ghizamie ee wandu wa Israeli. Ini Bwana MLUNGU naghamba.”

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?