ISAYA 52:4 - Biblia Ilagho Jiboie Kwa Wandu Wose

⁴ Angu inyo wandu wapo moreserieghe imbiri, mkakaia kiwughenyi isanga ja Misri, na Muashuri ukamkoronga duu.

ISAYA 52:4 ပူးပေါင်းရင်းမြစ်များ

KUZOYA 46:6

Wokoni wikadwa mfugho rawo, na vilambo werevipatireghe isanga ja Kanaani, wikacha na kungia Misri. Jakobo ukacha na kivalwa chake chose.

KUZOYA 46:7

Wana wake wa womi na wa waka, na weke wawae. Kivalwa chake chose chikacha Misri.

AYUBU 2:3

BWANA ukamkotia Shetani, “Welee, kwammbonie mdumiki wapo Ayubu? Ndekuwadie mndungi ndoenyi uko mloli na mucha sa uo. Wadanitasa na kukulindia usebonye ilagho jingi iwiwi. Kwanishingirie nikusighe kumkabe duu, ela Ayubu waduagha mloli.”

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ZABURI 44:12

Kwawiuzire wandu wako kwa ighuri itini, hata ndekupatire fwaida ingi kwa wundu ghwawo.

ZABURI 69:4

Wandu wizamilwagha ni ini duu, ni wengi kuchumba mtalo ghwa iridia japo. Wamaiza wapo waawuyanidungia malagho gha tee; weko na ndighi nyingi nawo weekunda kunibwagha. Naawuyalipishwa icho niseiwie.

ISAYA 14:25

Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JOHANE 15:25

Ela agha ghakaia, ghaja ghiandikilo Sharienyi kwawo ghipate kukatia, ‘Werezamiloghe ni ini duu.’