ISAYA 52:3 - Biblia Ilagho Jiboie Kwa Wandu Wose

³ BWANA waghamba huwu: “Modeuzwa kuseko na ighuri, nenyo mchakombolwa kuseko na malipo ghangi.

ISAYA 52:3 ပူးပေါင်းရင်းမြစ်များ

ZABURI 44:12

Kwawiuzire wandu wako kwa ighuri itini, hata ndekupatire fwaida ingi kwa wundu ghwawo.

ZABURI 44:13

Kwadibonyere dikaie wesekwa ni wambedu, kudemwa sare na kumenywa ni awo wiko mbai-mbai yedu.

ISAYA 1:27

Jerusalemu ichakombolwa kwa hachi, na awo wose wiheagha andenyi yaro wichakombolwa ni BWANA loli.

ISAYA 45:13

Ni ini nimmbusirie Koreshi kwa hachi nani nicham'bonya upate kuwona nicha kwa chia rake rose; nao uchaagha wuwishi muzi ghwapo ghwa Jerusalemu, na kuwifungua wafungwa wapo, kuseko na zoghori hata inosi jingi.”

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

ISAYA 63:4

Kwa kukaia ituku ja kuluya lugho jerekoghe ngolonyi kwapo, na mwaka ghwa kuwikombua wandu wapo ghwameria kuvika.

JEREMIA 15:13

Wuzuri ghwako ghwa mali na mashamo ghako nichaghineka ghidwalo wunyika duu, kwa wundu ghwa kaung'a rako richue isangenyi.

EZEKIELI 16:31

Kwaaghie nyumba rako retasira kutuonyi kwa kula chia, na kubonya wumalaya kwa kula chia mbaa; sena ndekorekoghe sa ilaya, kwa kukaia ndekorelombieghe malipo.

EZEKIELI 34:27

Na midi ya mbuwenyi ichava matunda gharo, na mavalo gha ndoenyi ghichachurikia; richakaia banana isangenyi, naro richamanya kukaia ini ne BWANA, ingelo nichaiinja ghongolo ifume singonyi kwawo, na kurikira kufuma mikonunyi kwa awo wereribonyereghe wazumba.

WALAWI 25:54

Ukakaia usekombolo kwa iro chia, uchalekerelwa chiaimweri na wana wake Mwaka ghwa Jubili.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,