ISAYA 52:13 - Biblia Ilagho Jiboie Kwa Wandu Wose

¹³ BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 52:13 ပူးပေါင်းရင်းမြစ်များ

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 49:3

Ukanizera, “Oho Israeli ko mdumiki wapo, ini nichanekwa wubaa kwa wundu ghwako.”

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

JOHANE 3:31

Uo uchagha kufuma aighu ni m'baa kuchumba wose, uo ufumagha ndoenyi ni wa ndoenyi, nao wadadeda ra ndoenyi; ela uo ufumagha mlungunyi oko aighu ya wose.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.