ISAYA 52:12 - Biblia Ilagho Jiboie Kwa Wandu Wose

¹² Kwa kukaia ndemchaafuma kwa shwa-shwa hata ndemchaakimbia, Angu BWANA uchamkiria imbiri konyu, uo Mlungu wa Israeli uchakaia mlindiri onyu nanyuma.

ISAYA 52:12 ပူးပေါင်းရင်းမြစ်များ

1 MALAGHO GHA NGELO 14:15

Hata iji kwasikira tiri ra wandu wighendagha midinyi amiforodasinyi nalughu, kufume kulo nawo; angu ini Mlungu nichakiria kwako kupate kujisima ijeshi ja Wafilisti.”

KUFUMA 12:11

Nenyo mchaija huwu: Mchakaia mwakufunga viwonu venyu, mwameria kurwa vadu, muko na mizata mikonunyi konyu; nenyo mchakaia mkiija kwa shwa-shwa. Iyo ni Pasaka ya BWANA.

KUFUMA 12:33

Nao Wamisri wikawishashira awo wandu wifume wighende, angu wereghambieghe, “Difwa diwose.”

KUFUMA 12:39

Wikaocha mikate isewadie chachu kwa ghuja mufu wereghudwaeghe Misri, angu werefunyiroghe kwa shwa-shwa, hata ndewerepatireghe wulalo ghobonya mufu ghwa chachu, angu kukuboisira vindo vingi anduangi.

KUFUMA 14:8

BWANA ukaikurisha ngolo ya Farao mzuri wa Misri, nao ukawinugha Waisraeli ngelo werekoghe wikighenda kwa wuing'oni.

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 45:2

“Nichakiria ini moni imbiri kwako ee Koreshi, na kuisera mighondi. Nichaichikanya minyango ya shaba, na kuvidumbua-dumbua vuma varo.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 49:11

“Nani nichabonya chia aighu ya mighondi yapo yose; na kuboisa barabara rapo.

ISAYA 51:14

Uo orefungiloghe kifungonyi, uchafungulwa shwa wori ndechaafwa na kuserwa Kinenyi hata ndechaasowa vindo anduangi.

ISAYA 57:18

Namerie kuwona mighendo yake, ela nichamkira, na kumlongoza, na kumhoresha;

ISAYA 58:8

“Aho niko mwengere ghwako ghuchang'ala-ng'ala sa kuela kwa ndoe, na oho kuchaboiswa shwa wori. Hachi yako ichakukiria imbiri kwako, na wubaa ghwapo ini BWANA ghuchakaia nanyuma yako kukulindia.

MIKA 2:13

Mlungu uchawirughuya chia ewuya; uchawilongoza wifume wubarishonyi. Wicharirughua mbenge ra muzi na kungia kwa sere; mzuri wawo, uo BWANA moni uchawilongoza shighadi.

MITALO 10:25

Niko awo werekoghe aisi ya bendera ya wandu wa Dani, wikazoya charo kwa mafungu ghawo; wikakaia nanyuma wikilindia kambi rose; na kilongozi cha ijeshi jawo cherekoghe Ahiezeri mwana wa Amishadai.

WUKUMBUSO 16:3

Msakeijanya na mikate ingirilo chachu. Mchaijanya na mikate isengirilo chachu iyo mikate ya matiriro kwa matuku mfungade; angu morefumieghe Misri kwa shwa-shwa, eri mkumbukeghe seji morefumieghe Misri, matuku ghose gha irangi jenyu.

WUKUMBUSO 20:4

BWANA Mlungu onyu uchaghendanya nenyo, upate kumluya na kumsimia.’

JOSHUA 4:11

Wandu wose wiendaruwuka, awo wakohani weredukagha Sanduku ya BWANA, wikakiria imbiri ya wandu.

JOSHUA 6:9

Wandu widwae maswagha wikakiria imbiri ya wakohani wekaba tarumbeta, na walindiri wa nanyuma wikainugha Sanduku, na tarumbeta rikikabwa ngelo yose.

WATANYI 4:14

Debora ukamzera Baraka, “Wuka kwende! Angu idime nijo ituku BWANA wamngira Sisera mkonunyi kwako. BWANA wawuyakiria imbiri kwako.” Niko Baraka ukasea kufuma Mghondi ghwa Tabori andwamweri na wandu weremnughieghe elfu ikumi.