ISAYA 52:11 - Biblia Ilagho Jiboie Kwa Wandu Wose

¹¹ Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

ISAYA 52:11 ပူးပေါင်းရင်းမြစ်များ

1 MALAGHO GHA NGELO 15:12

ukawizera, “Inyo mo wabaa wa vichuku venyu awo Walawi, mukueleshe mmbeni, inyo na wanyinyu, mpate kuireda Sanduku ya BWANA, uo Mlungu wa Israeli andu kwaro naiboisira.

KUFUMA 30:19

Haruni na wana wake wichakaia wikioghosha vala vawo na maghu ghawo aho.

ISAYA 1:16

Kuoghoshenyi mmbeni, mkaie muelie; sighenyi kubonya mawiwi imbiri kwapo; lekenyi kubonya makosa.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

JEREMIA 31:21

Kukubonyere kumoni alama ra chienyi, kudunge midi ekuwonyera chia kuikumbuke nicha ija chia mbaa, iyo koreiidieghe. Wuyenyi ee wandu wa Israeli, iwurienyi mizi yenyu.

JEREMIA 50:8

“Inyo wandu wa Israeli, kimbienyi mfume Babuloni! Sighenyi ijo isanga ja Wababuloni! Kaienyi wa imbiri sa fwandi ilongozagha chagha!

JEREMIA 51:45

“Fumenyi ugho muzi inyo wandu wapo, kula mundu ndekire irangi jake na agho machu ghapo ghibirie.

JEREMIA 51:6

Kimbienyi mfume Babuloni, kula mundu ndekire irangi jake; msechebwaghwa andenyi ya ikabo jake; angu ihi niyo ngelo yapo ini BWANA elipia kisasi, agho malipo ghimfwanagha kulipilwa.

EZEKIELI 44:23

Wichafundisha wandu wapo wuchumbano ghwa maza ra wueli na iro riseko ra wueli sena wichawifundisha kutambua maza ra wuchafu na maza ra wueli.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

WALAWI 11:45

Ini ne BWANA, uo oremfunyireghe isanga ja Misri, eri nipate kukaia Mlungu onyu, kwa huwo mchakaia muelie angu Ini ne Mweli.

WALAWI 11:47

mpate kuvisasawua aghadi ya iro rielie na iro riseelie; iro riko rejighwa, na iro riseko rejighwa.”

WALAWI 21:6

Wakohani wichakaia waeli kwa Mlungu wawo; kwa kukaia awo wafunyagha vizongona vekora na mkate kwa Mlungu wawo, kwa huwo suti wikaie waeli.

ZEKARIA 2:10

BWANA waghamba, “Borenyi na kuzuma ee wandu wa Jerusalemu, angu nichacha kukaia aghadi konyu.”

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

MITALO 16:26

Nao ukajizera izungu ja wandu, “Namlomba mfume hemenyi kwa awa wandu wawiwi, hata mseadade kindo chingi chawo, msechemerelwanya nawo kwa wundu ghwa kaung'a rawo.”

MITALO 19:11

“Mndungi ukaadada gharia, uchakaia useelie kwa matuku mfungade;

MITALO 19:16

Mndungi ukaadada mundu wabwaghwa na lufu isakenyi, angu gharia, angu indi ja mundu angu kaburi, uchakaia useelie kwa matuku mfungade.

MITALO 8:6

“Wada Walawi aghadi ya wandu wa Israeli, kuwieleshe.

MABONYO GHA WADUMI 10:14

Ela Petro ukaghamba, “Ii hata Bwana, jingi sijie kindo chingi cha wuchafu angu chiseelie anduangi.”

MABONYO GHA WADUMI 10:28

ukawizera, “Inyo mmbeni mwamanya yadarighidwa kwa Myahudi kukuranganya angu kughenda kwa mndungi wa mbari zima. Ela Mlungu waniwonyere nisakemmbanga mndungi kukaia mchafu angu useelie.

WAROMA 14:14

Ini namanya, sena nawona loli andenyi ya Bwana Jesu kukaia ndekuwadie kindo chingi chiseelie kwa asili yake anduangi; ela cheeka chiseelie kwa uo mundu uchigheshagha kukaia ndechielie.

2 WAKORINTHO 6:17

Kwa huwo, fumenyi aghadi kwawo mtane nawo, waghamba Bwana; nenyo mseadade kindo chingi chiseelie; niko nichaamkaribisha.

WAEFESO 5:11

Msakekaia ngara na kazi ra kira risene fwaida, ela mrifunukuo worinyi.

1 PETRO 2:11

Namvoya wakundwa, inyo sa waghenyi na wandu weida, mkutanye na bea ra mumbi, iro ribonyagha wuda na roho renyu.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

WUFUNUO 18:4

Niko ngasikira lwaka luzima kufuma mlungunyi lukighamba, “Fumenyi kwake wandu wapo, msecheka ngara na kaung'a rake, mchekabwa sa uo moni;