ISAYA 52:10 - Biblia Ilagho Jiboie Kwa Wandu Wose

¹⁰ BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 52:10 ပူးပေါင်းရင်းမြစ်များ

AYUBU 40:9

Kwawadie ndighi sa rapo? Kwadima kudeda na lwaka lubaa sa lwapo?

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 67:2

Chia yako imanyike andoenyi, na kukia kwako kumanyike kwa mbari rose ra wandu.

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 33:13

Kula mundu ndesikire! Ukaiagha kula angu ukaiagha kaavui, usikire seji nibonyere, nao ughore seji ndighi ra wubaa ghwapo riko.”

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 53:1

“Nani ughirumirie agho malagho dereghisikireghe? Na ndighi ra BWANA rafunukulo kwani?

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 62:1

Sichaanyama kima kwa wundu ghwa Jerusalemu, hata sichaahora kwa wundu ghwake, hata hachi yake iwoneke worinyi sa mwengere, na kukia kwake kung'ale-ng'ale sa taa.

ISAYA 63:5

Nerezighanireghe ngilola, ela serewonieghe mndungi onitesia, ngangilwa ni kiture, ela ndekorekoghe na mndungi oniwadia mkonu; niko huwo lubio lwapo lukaniwusira, ngakupatira wusimi kwa mkonu ghwapo ghoni.

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

LUKA 2:30

angu meso ghapo ghakuwona kukia kwako,

LUKA 3:6

na kula mundu uchawona kukia kwa Mlungu.’”

MABONYO GHA WADUMI 13:47

Angu niko Bwana udilaghirie ukighamba: ‘Nakuwika oho kukaie mwengere ghwa wandu wa mbari zima, eri kurede kukia ndoenyi kose.’”

JOSHUA 4:24

eri wandu wose wa ndoenyi wipate kumanya kukaia ndighi ra BWANA reko aeni; nenyo mpate kumuobua BWANA Mlungu onyu kwa kala na kala.”

WUFUNUO 14:6

Niko ngawona malaika umu ukiburuka mbeonyi, uko na Ilagho Jiboie ja kala na kala; upate kuwichilia awo wikaiagha ndoenyi wa kula mbari, kichuku, kiteto, na wandu;

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”