ISAYA 51:9 - Biblia Ilagho Jiboie Kwa Wandu Wose

⁹ Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 51:9 ပူးပေါင်းရင်းမြစ်များ

AYUBU 26:12

Oreinyamireghe bahari kwa ndighi rake, na kwa wuya ghwake, ukam'bwagha Rahabu iyo nyamandu mbaa ya baharinyi.

AYUBU 9:13

“Mlungu ndeghalusagha machu ghake, watesia wa Rahabu weremghoghomieghe.

ZABURI 21:13

Dakukasa ee BWANA kwa wundu ghwa ndighi rako mbaa. Dichabora na kurikasa ndighi rako.

ZABURI 44:1

Dasikire na madu ghedu ee Mlungu, daghorelo ni weke aba, seji kubonyere ngelo rawo agho matuku ghawo gha kala:

ZABURI 44:2

Korewingieghe mbari ra wandu kumoni, kukawiwika weke aba aho; korewitiririeghe awo wandu, kukawibonya weke aba wiwone mecha.

ZABURI 44:23

Wuka ee BWANA, kwaki kulalagha? Wuka kusakedilegha putu.

ZABURI 44:24

Kwaki kukuvisagha? Kwaki kuliwagha makorongo na matiriro ghedu?

ZABURI 59:4

Sibonyere ikosa jingi, ela weekunda kuningiria. Wuka kuwone, kunitesie.

ZABURI 7:6

Wuka kwa machu ghako ee BWANA, wuka kutangale lubio lwa wamaiza wapo. Wuka ee Mlungu wapo, kuwikie kutanya.

ZABURI 77:5

Naghesha matuku gha kala, na kukumbuka miaka iidie.

ZABURI 78:65

Niko BWANA ukawuka seji odelala, na kubonya seji mundu uko na ndighi ukemagha ukanywa divei.

ZABURI 87:4

“Nichangira Misri na Babuloni andenyi ya mtalo ghwa awo winiichi; wokoni nichangira Filistia, na Tiro andwamweri na Kushi andenyi ya mtalo ghwa awo wikaiagha Jerusalemu.”

ZABURI 89:10

Koreifashireghe ija nyamandu mbaa Rahabu, kukaibwagha; korewisimieghe wamaiza wako, kwa ndighi rako mbaa.

ZABURI 89:11

Mlungunyi ni kwako, na ndoenyi wori ni kwako; koreghubonyereghe wurumwengu na vose viko andenyi yaro.

ZABURI 93:1

BWANA ni Mzuri, uwadie wubaa na kudima; Waghuwikie wurumwengu na kughumangisha ghusechaanyavurika.

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

ISAYA 27:1

Ngelo iyo, BWANA uchamkaba Leviathani, iyo choka ikimbiagha, kwa lufu lwake lukurie, lubaa, sena luwadie ndighi; uchamkaba Leviathani, iyo choka ighalaaghala, na kuibwagha iyo choka mbaa ikaiagha baharinyi.

ISAYA 30:7

Wutesia ghufunywagha ni Wamisri ndeghuwadie fwaida ingi putu. Kwa huwo nawinekie Wamisri irina ngawiwanga ‘Choka isena wusungu.’”

ISAYA 51:17

Wuka! Wuka kukaie kimusi ee Jerusalemu, oho korenyueghe kikombe cha machu gha Mlungu kufuma mkonunyi kwake; kwachinyue hata kukachiangamira na kutatarika.

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 53:1

“Nani ughirumirie agho malagho dereghisikireghe? Na ndighi ra BWANA rafunukulo kwani?

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

EZEKIELI 29:3

kughambe, ini Bwana MLUNGU naghamba huwu: Ne m'maiza wako oho mzuri wa Misri, Oho choka mbaa kukaiagha aghadi ya meda yako, kukighamba, ‘Moda ghwa Naili ni ghwapo, ni ini nereghubonyereghe.’

MIKA 7:15

Diwonyere maza ra mashiniko seji korebonyereghe ingelo koredifunyagha isanga ja Misri.

HABAKUKI 2:19

Ni bugha kwa uo mundu uzeragha kilambo cha mudi, “Wuka!” Na igho jisededagha, “Wuka kimusi!” Mlimu ghwadima kukufunukuya ilagho jingi? Ghooshingwa dhahabu na feza, ela ndeghuwadie miruke andenyi yake.

HABAKUKI 3:13

Oho korefumieghe kuwikire wandu wako, kupate kumkira mzuri uo mshingwa mavuda wako. Oho korem'barieghe chongo uo kilongozi wa wawiwi, kukawitotesha wanughi wake putu.

ZEKARIA 10:11

Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

LUKA 1:51

Waghughorua mkonu ghwake ghwa ndighi, wawisaghisa wang'eti kwa maririkanyo gha ngolo rawo.

JOHANE 12:38

edeeka huwo eri malagho ghereghoreloghe ni mlodi Isaya ghipate kukatia: “Bwana, nani oreghirumirieghe malagho ghedu? Na ndighi ra Bwana rerewonyeroghe kwani?”

MABONYO GHA WADUMI 7:7

Mlungu ukachuria kughamba, ‘Ela nichaitanya iyo mbari wichaaidumikia, nawo konyuma wichafuma na kunitasa andu aha.’

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

WUFUNUO 11:17

wikighamba, “Dakufunyira chawucha, Bwana Mlungu, Kuwadie ndighi rose, oho kuko, nao korekoghe; kwa kukaia kwariwusa iro ndighi rako mbaa, kukazoya kubonya nguma.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WATANYI 6:13

Gideoni ukamzera, “Nga Bwana, ikakaia BWANA oko andwamweri nesi, kwaki sena dapatwa ni iri maza rose? Iro kazi rake ra mashiniko dighorelo ni weke aba reko hao, iro werekoghe wikidighoria, wei BWANA wadifunyire isanga ja Misri? Ela idana BWANA wadisighie na kudikumba mikonunyi kwa Wamidiani.”