ISAYA 51:7 - Biblia Ilagho Jiboie Kwa Wandu Wose

⁷ “Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

ISAYA 51:7 ပူးပေါင်းရင်းမြစ်များ

ZABURI 37:31

Sharia ya Mlungu wake yadakaia ngolonyi kwake, nao ndedimagha kulaghaya anduangi.

ZABURI 40:8

Naawuyaboilwa ni kubonya lukundo lwako ee Mlungu wapo.” Sharia yako eko andenyi ngolonyi kwapo.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 37:6

Isaya ukaghamba, “Mzerenyi bwana onyu huwu, BWANA waghamba, ‘Kusakeobua kwa wundu ghwa agho malagho kwaghisikira seji nasholelwa ni wadumiki wa mzuri wa Waashuru.

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

JEREMIA 1:17

Ela oho, wuka kukuwike tayari kuwighorie agho malagho ghose nakulaghira. Kusakewifwa waya, nichekufwa waya imbiri kwawo.

EZEKIELI 2:6

“Na oho mwana wa mdamu, kusakewiobua, hata kusakeobua malagho ghawo, hata ngera kwakaia aghadi kwawo sa mundu uko andenyi ya mndandangoma na minjwa, seji kwaaseria weke mwambandenyi, kusakeobua malagho ghawo, hata kuzighana kwawo kusekufushe waya; angu awo ni wandu welegha.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MATHAYO 5:11

“Mwarasimilwa inyo iji wandu wamsholia, na kumtirira, na kumzighiria kwa tee rose kwa wundu ghwapo.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

MABONYO GHA WADUMI 5:41

Niko wikafuma mwandunyi wikiboilwa, angu watalwa kukaia wifwane kusowelwa ishima kwa wundu ghwa irina ijo.

2 WAKORINTHO 3:3

Nenyo mwawonyera moko barua diiredie ifumie kwa Kristo, nayo ni barua iseandikilo kwa wino, ela eandikwa kwa Roho wa Mlungu uko moyo; hata ndeiandikilo aighu ya vishawalata va magho anduangi, ela eandikwa andenyi ya ngolo ra wandu.

WUKUMBUSO 6:6

Na agha malagho nikulaghiragha idime ghichakaia ngolonyi kwako,

WAFILIPI 3:10

niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

WAEBRANIA 10:16

“Iji nijo ilaghano nichaajibonya nawo nyuma ya matuku ghaja waghamba Bwana; Nichariwika sharia rapo ngolonyi kwawo na kuriandika akilinyi kwawo.”

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.

1 PETRO 4:4

Awo wandu, waawuyashinika seji msewuenughana nawo andenyi ya iro maza ra kulaghasha, nawo wiamdukana;