ISAYA 51:4 - Biblia Ilagho Jiboie Kwa Wandu Wose

⁴ “Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 51:4 ပူးပေါင်းရင်းမြစ်များ

ZABURI 106:5

Kunineke kuwona mecha gha wandu wako, nipate kuboilwa chiaimweri na mbari yako, na kukukasa chiaimweri na ifwa jako.

ZABURI 147:20

Ndebonyere huwo kwa mbari ingi zima, ndewiichi sharia rake. BWANA ndekaso.

ZABURI 33:12

Yarasimilwa iyo mbari im'bonyere BWANA ukaie Mlungu wawo; wandu uwisaghue wikaie ifwa jake.

ZABURI 50:7

“Sikirenyi nighore ee wandu wapo, nichashuhudia aighu yako ee Israeli; sikirenyi nighore; ini ne Mlungu, Mlungu wako.

ZABURI 78:1

Sikirienyi mafundisho ghapo ee wandu wapo, deghenyi madu msikire malagho nimghoriagha!

KUFUMA 19:6

nenyo mchakaia kwapo wuzuri ghwa wakohani, na mbari ya wueli. Agha nigho malagho kuchaawighoria wana wa Israeli.’”

KUFUMA 33:13

Idana nakulomba, ikakaia loli kuboilwagha ni ini, kuniwonyere chia rako idana, nipate kukumanya oho, na oho kuboilo ni ini. Sena kuitale mbari ihi kukaia, ni wandu wako.”

MAKATANISHO 6:23

Agho malaghiro ni taa, na mafundisho ni mwengere; kuja kukanilwa, ni chia ra irangi.

ISAYA 1:27

Jerusalemu ichakombolwa kwa hachi, na awo wose wiheagha andenyi yaro wichakombolwa ni BWANA loli.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 42:21

Yam'boie BWANA kuibonya sharia yake italo na kunekwa wubaa mungi, kwa wundu ghwa hachi yake.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

ISAYA 63:8

Mlungu oreghambieghe, “Kwa loli awa ni wandu wapo, wana wisedimagha kughora tee;” nao ukawuya Mkiri wawo.

MIKA 4:2

Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

1 WAKORINTHO 9:21

Kwa wandu wisenughagha Sharia, nerewurieghe sa mundu usenughagha Sharia. Ini moni sikaiagha niseinughagha sharia ya Mlungu anduangi, ela neko aisi ya Sharia ya Kristo; eri niwipate awo wisewuyeinugha Sharia.

WUKUMBUSO 18:18

Nichawiwusiria mlodi ufumagha aghadi ya waruna uko sa oho, nani nichamghoria malagho ghapo, agho uchaawighoria.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.