ISAYA 51:19 - Biblia Ilagho Jiboie Kwa Wandu Wose

¹⁹ Kwapatiro ni malagho awi, wasi na kunoneka, njala na wuda; ndekuwadie mndungi okuhoresha.

ISAYA 51:19 ပူးပေါင်းရင်းမြစ်များ

AYUBU 2:11

Waghenyi wadadu wa Ayubu, Elifazi Mtemani, Bildadi Mshuhi, na Sofari Mnaama, weresikireghe seji Ayubu upatiro ni agho mawiwi. Wikabonya njama eghenda kumzighana chiaimweri, kummbonia wughoma na kumhoresha ngolo.

AYUBU 42:11

Waruna wose wa womi na wa waka, na wandu wose weremmanyireghe imbiri, wikacha na kubonya karamu nyumbenyi kwake. Wikawadwa ni wughoma ghwake; wikamhoresha ngolo kwa wundu ghwa wasi ghose BWANA orekoghe wamredia, na kula umu ukamneka pesa na pete ya dhahabu.

ZABURI 69:20

Madukano ghanibwaghie ngolo, ngasirilwa putu ni isuwirio. Nalolie oniwonia wughoma, ngamsowa; ngalola onihoresha, ela siwonie ungi.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

ISAYA 14:30

Wavalwa wa imbiri wa mkiwa wichaja, na awo wisowagha wichalala banana; ela kivalwa chenyu inyo Wafilisti nichachibwagha kwa njala, na masighariko ghenyu nichawibwagha.

ISAYA 22:4

Niko ngaghamba, “Nileke! Nisighe nilile kwa kuwawa, hata kusesumbuke kuninyamirisha, angu nawawa ni uko kunoneka kwa wandu wapo.”

ISAYA 47:9

Kuchachelwa ni malagho awi shwa wori kwa ituku jimweri; kuchasowekelwa ni wana chiaimweri na mumi wako kwa kipimo chikate, hata ngera koko na wusawi m'baa, na ndighi mbaa ra wughanga ghwako.

ISAYA 54:11

“Ee Jerusalemu, muzi kukorongelo na kukumbwa-kumbwa ni kiremba, kusewadie mndungi wa kukuhoresha, ola nichaiagha misingi yako kwa magho gha zoghori mbaa gha safire.

ISAYA 60:18

Lwaka lokorongwa ndeluchaasikirika isangenyi kwako, hata kudwalwa wunyika na kutoteshwa ndevichaawoneka andenyi ya mano yako. Wurigha ghwako kuchaghuwanga, ‘Kukia;’ na mbenge rako kuchariwanga, ‘Makaso.’

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 8:21

Wandu wichamara-mara isangenyi wiko na wasi na njala, nawo wichachulwa ni machu kwa wundu ghwa njala hata widime wamsholia mzuri na Mlungu wawo, wikighaluka na kuzighana nokoighu.

ISAYA 9:20

Wandu wakukwanyira vindo andu kose isangenyi, na kuja icho chose wichiwonagha, ela wasigharika wiko njala wokoni; hata wiaja wana wawo weni.

JEREMIA 15:5

“Nani uchaakuwonia wughoma ee Jerusalemu, angu nani uchaakulilia? Nani uchaadunga maghu kukotia maza rako?

JEREMIA 24:10

Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

KILILO CHA JEREMIA 1:9

Wuchafu ghwake ghorewonekieghe worinyi, ela nderetalieghe kutua kwake kukaia wada. Kughwa kwake korekoghe koobosha; mndungi usedimagha kumhoresha. Wasimwa ni wamaiza wawo, nawo wamkemia BWANA uwifuye wughoma.

KILILO CHA JEREMIA 3:47

Dapatiro ni wasi na kunoneka; daawuyakaia ndengonyi, diko na kiture.

EZEKIELI 14:15

Ngalekeria nyamandu ra isakenyi rimare isangenyi, na kujinona hata jikaie iduu na mndungi usedime kuidiria aho kwa wundu ghwa wungi ghwa nyamandu,

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

AMOSI 7:2

Hata iji zighe rameria kuja nyasi rose ra isangenyi, nereghambieghe, “Ee Bwana MLUNGU, nakuvoya kufuye wandu wako wughoma, Wandu wa Israeli wadima wada kukaia moyo? Weeka watini nandighi.”

NAHUMU 3:7

Na awo wose wichaakuzighana wichakukimbia na kughamba, ‘Nineve yanonekie, nani uchaaghulilia? Niwonia hao wandu weihoresha ngolo?’”

2 WAKORINTHO 7:13

Kwa huwo isi dahoreshwa ngolo. Na chiaimweri na kuhoreshwa ngolo kodu, dereboiloghe kuchumba kummbona Tito uko na kuboilwa, angu inyo mmbose moremteserieghe kukaia na ngolo mbaa.