ISAYA 51:15 - Biblia Ilagho Jiboie Kwa Wandu Wose

¹⁵ “Ini ne BWANA Mlungu wako, uo uinyavuragha bahari hata mivo-mivo yaro irurume; irina japo ni BWANA wa majeshi.

ISAYA 51:15 ပူးပေါင်းရင်းမြစ်များ

NEHEMIA 9:11

Korebonyereghe chia kwa wandu wako aghadi ya bahari; kukawilongoza wikaida aighu ya ndoe iomie. Awo werewinughagha wikamilika andenyi ya machi mengi, karakara na igho jakumbwa baharinyi.

AYUBU 26:12

Oreinyamireghe bahari kwa ndighi rake, na kwa wuya ghwake, ukam'bwagha Rahabu iyo nyamandu mbaa ya baharinyi.

ZABURI 107:25

Orefunyireghe momu, mbeo ya kiremba ikazoya kuweta; ikawusira mivo-mivo ya bahari.

ZABURI 136:13

Orewaghanyireghe Bahari ya Shamu aghadi; lukundo lwake lukatie lwadua kwa kala.

ZABURI 74:13

Korewaghanyireghe bahari kwa kudima kwako, kukavibara vongo va choka mbaa machinyi.

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 47:4

Irina ja Mkomboli odu ni BWANA wa majeshi, Mlungu, Mweli wa Israeli.

ISAYA 48:2

Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

ISAYA 51:10

Welee, si oho kumoni koreomerieghe bahari, ee, agho machi ghimilie, hata kukabonya chia aghadi ya bahari kwa wundu ghwa wandu wako wikombolo anguwada?

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

JEREMIA 31:35

BWANA, uo uwikie iruwa jifunyeghe mwengere nadime, uo ulaghirie mori na nyerinyeri rifunyeghe mwengere nakio, uo unyavuragha bahari hata mivo-mivo yake irurume, uwangwagha BWANA wa majeshi, waghamba huwu,

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

WALAWI 11:44

Angu ini ne BWANA Mlungu onyu; kwa huwo mukueleshe mmbeni, mkaie muelie, angu ini ne Mweli.