ISAYA 51:13 - Biblia Ilagho Jiboie Kwa Wandu Wose

¹³ hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

ISAYA 51:13 ပူးပေါင်းရင်းမြစ်များ

ESTA 5:14

Nao muka wake Zereshi na waghenyi wake, ukamneka agha maghesho: “Wele uo mundu ndabonyerwagha mudi ghuko na wulacha ghwa meta mrongo iwi na iwi, nao kesho kughore na mzuri Mordekai ubwagho kwa kuwanikwa aighu yaro? Niko aho kuchaangia karamunyi na mzuri kuko na kuboilwa.” Hamani ukaboilwa ni agho maghesho, ukaghuboisa ugho mudi ghobwaghia wandu.

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

AYUBU 37:18

Kwadima kumtesia Mlungu kuala mawingunyi, kukaie sa kilole chichanilo cha shaba?

AYUBU 9:8

Nuo moni uekeri orealieghe mlungunyi, na kuwadia mivo-mivo ya bahari.

ZABURI 104:2

Kwadarwa mwengere sa nguwo, kwawikie mlungunyi sa hema.

ZABURI 106:13

Ela shwa wori wikaliwa kazi rake, wikabonya malagho kuseko na njama yake.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

ISAYA 10:24

Kwa huwo Bwana, Uo BWANA wa majeshi waghora huwu, “Inyo wandu wapo mkaiagha Jerusalemu, mseobuo awo Waashuru iji wakamkaba sa iji Wamisri werem'bonyereghe.

ISAYA 14:4

mchamseka mzuri wa Babuloni mkighamba; “Mkorongi watua! Lung'eto lwa kubia kwake lwasia!

ISAYA 16:4

Sigha wakimbii wa Moabu wikaie kwako, kupate kuwilindia wisetotesho.” (Ngelo uo mkorongi na mtoteshi wainjika, na uko kutoteshwa kwasia, hata uo uwadiagha wandu na maghu ghake kuinjika isangenyi.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 40:21

Wele ndemuichi, angu ndemsikire? Jingi ndemghorelo kufuma kala, angu kumanya kufuma wurumwengu ghwawikwa msingi;

ISAYA 40:22

kukaia, wurumwengu ghodeumbwa ni uo ukaiagha mawingunyi naighu, na kwake, wandu wikaiagha wurumwengunyi ni karakara na weke mwapazi? Wadakuchua mlungunyi sa pazia, na sa hema ekailwa ni wandu.

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 43:1

Ela idana BWANA uo oremuumbieghe waghora huwu ee wana wa Jakobo, uo orekubonyereghe waghamba huwu ee Israeli, “Kusakeobua, kwa kukaia nakukombue; nakuwangie kwa irina jako, oho ko wapo.

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 48:13

Mkonu ghwapo nigho ghorebonyereghe msingi ghwa ndoenyi, ee, mkonu ghwapo ghwa kiwomi ghukawika mlungunyi; ngawanga mlungunyi na ndoenyi riawuka kimusi shwa wori.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 54:14

Kuchamangishwa kwa hachi, na makorongo ghichakaia kula na oho, kwa kukaia ndekuchaakaia na wowa, hata kiture; angu vichakaia kula na oho.

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

ISAYA 9:4

Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

JEREMIA 38:19

Mzuri Zedekia ukanizera, “Naawuyawiobua Wayahudi awo wikimbirie cha kwa Wababuloni, wisecheniwada na kunikoronga.”

JEREMIA 41:18

kwa wundu ghwa kuwiobua Wababuloni angu Ishmaeli mwana wa Nethania orem'bwaghieghe Gedalia mwana wa Ahikamu, uo orewikiloghe ni mzuri wa Babuloni ukaie m'baa wa isanga.

JEREMIA 51:15

BWANA nuo ubonyere ndoenyi kwa kudima kwake, nuo umangishire wurumwengu kwa hikima yake, na kwa kumanya kwake; ukawika mlungunyi.

JEREMIA 51:19

Mlungu wa Jakobo ndeko sa iyo anduangi, angu uo nuo ubonyere vilambo vose; mbari ya Israeli niyo uisaghue ikaie ifwa jake, na irina jake ni BWANA wa majeshi.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:18

Ela ukakaia usebonyere huwo, kumanye ee mzuri, isi ndedidimagha kuidumikia milungu yako, hata kuitasa ija fwana ya dhahabu koreiwikieghe.”

DANIELI 3:19

Niko Nebukadnezari ukajokwa ni machu loli loli, na wushu ghwake ghukaghaluka aighu ya Shadraka, na Meshaki, na Abednego. Ukafunya momu jija iwiwi ja modo jichurilo mando mfungade kuchumba seji modo ghwaro ghorekundikieghe.

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

1 WAKORINTHO 1:20

Idana mundu wa hikima oko hao? Oko hao mwalimu wa Sharia? Oko hao fundi wa malagho wa matuku agha? E hoku Mlungu umerie kuwonyera wori hikima ya wurumwengu ughu kukaia ni wukelu?

1 WAKORINTHO 15:55

“Kusima kwako koko hao ee Kifwa? Luvia lwako loko hao ee kifwa?”

WUKUMBUSO 32:18

Weremliwieghe Mlungu wawo, uo Mkiri uwadie ndighi, uo uwinekagha irangi.

WUKUMBUSO 6:12

kukulindie kusechemliwa BWANA uo orekuredieghe kufuma isanga ja Misri, iyo nyumba ya wuzumba.

WUKUMBUSO 8:11

“Mkulindie msemliwe BWANA Mlungu onyu kwa kuleghawadia memu yake yose nimlaghiragha idime.

WAEBRANIA 11:15

Ngera wedeeka wikijiririkanya ijo isanga werejifumieghe, weredimagha kupata wulalo ghowuya.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 20:9

Nawo wikaghenda ndoenyi kose; wikaimara kambi ya waeli na ugho muzi ghukundo. Ela modo ghukasea kufuma mlungunyi na kuwitotesha.