ISAYA 51:11 - Biblia Ilagho Jiboie Kwa Wandu Wose

¹¹ Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

ISAYA 51:11 ပူးပေါင်းရင်းမြစ်များ

ZABURI 126:2

Derechuloghe ni iseko ibaa na kubora kwa kuboilwa. Niko wandu wa mbari zima wikaghora aighu yedu, “BWANA wawibonyera maza mbaa.”

ZABURI 126:5

Awo wiwagha kwa mbori, ndewikuwide kwa kuboilwa.

ISAYA 11:15

Na BWANA uchaghuomera putu mwanya ghwa bahari ya Misri, sena uchawetesha mbeo mbaa eomera, nayo ichaomera Moda ghwa Eufrate na kusighara meda mitini mfungade, idimagha kuruwukwa kwa maghu.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 49:13

Borenyi kwa kuboilwa inyo mlungunyi, na inyo ndoenyi mkabe lukilighili, mighondi ndeibore, kwa kukaia BWANA wawihoresha wandu wake wikorongelo, nao uchakaia na wughoma aighu kwawo.

ISAYA 55:12

“Mchasigha Babuloni kwa kuboilwa, nenyo mchalongozwa cha shighadi kwa sere; mighondi mibaa na mitini ichawoka kubora imbiri konyu, na midi yose iko mlambenyi ichakaba chui.

ISAYA 61:7

Mchanekwa ishima mando awi wulalo ghwa ugho waya morekoghe nagho, mchachulwa ni kuboiwa kwa ifwa jenyu wulalo ghwa uko kumenywa konyu; kwa huwo mchakaia na mafungu awi isangenyi konyu, nenyo mchakaia na kuboilwa kwa kala na kala.

ISAYA 65:14

Wadumiki wapo wichabora wikiboilwa ngolonyi, ela inyo mchakema mkiwawa ngolonyi; nenyo mchalila mkikaia na luwawo lubaa rohonyi.

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

JEREMIA 31:13

Niko aho wai wichavina kwa kuboilwa, wandu wa irika na waghosi wichaboilwa, nichawihoresha na kughamba kulila kwawo kuwuya kuboilwa na wasi ghwawo ghuwuye maseko.

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

JUDA 1:24

Idana kwa uo udimagha kumlindia inyo msegho, na kumreda inyo imbiri ya ugho wubaa ghwake, msewadie ikosa jingi kwa kuboilwa;

WUFUNUO 21:1

Niko ngawona mlungunyi kuwishi na ndoenyi kuwishi; angu uko mlungunyi kwa imbiri na ndoenyi kwa imbiri korekoghe kwameria kuida, na bahari ndeerekoghe sena anduangi.

WUFUNUO 21:4

Uchawiaghia mbori rose mesonyi kwawo, na kifwa chingi ndechichaakaia sena anduangi, hata wasi, hata kukema, hata kuwawa kungi; angu maza ra imbiri rameria kuida.”

WUFUNUO 22:3

Ndekuwadie kindo chingi chiwasiro njowe chichaakaia aho sena, ela kifumbi cha nguma cha Mlungu na cha Mwana wa Ng'ondi, nivo vichaakaia andenyi yaro, na wadumiki wake wichamtasa.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”