ISAYA 51:1 - Biblia Ilagho Jiboie Kwa Wandu Wose

¹ BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 51:1 ပူးပေါင်းရင်းမြစ်များ

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

2 MALAGHO GHA NGELO 15:4

ela iji wamghalukia BWANA Mlungu wa Israeli kwa wasi ghwawo, na kumlola, wikammbona.

ZABURI 24:6

Wandu sa awo niwo wimlolagha BWANA; niwo wilolagha kummbona Mlungu wa Jakobo.

ZABURI 94:15

Hachi ichafunukulwa ni Watanyi, na wandu wa ngolo ndicha wichainugha.

MAKATANISHO 15:9

Mighendo ya mmbiwi yadamzamia BWANA, ela wadamkunda mundu unughagha hachi.

MAKATANISHO 21:21

Uo unughagha hachi na wughoma, uchawona irangi na ishima.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

ISAYA 48:1

Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ISAYA 48:12

“Nisikire ini ee Israeli, kivalwa cha Jakobo neremmbangieghe! Ni ini Mlungu, ne wa imbiri na wa kutua.

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

ISAYA 65:10

Sharoni ichawuya andu kolishira ng'ondi, na Vololo ya Akori ichawuya andu kodimishira ng'ombe ra wandu wapo werenilolieghe.

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

WAROMA 10:3

Angu wiendakaia wiseimanyagha ija hachi ifumagha kwa Mlungu, na kulola kuimangisha hachi yawo cheni, ndewicheirumiria hachi ya Mlungu.

WAROMA 14:19

Kwa huwo ndedirinughe iro maza riredagha sere, na iro riditesiagha kuaghana diweni na diweni.

WAFILIPI 3:13

Wanidu, si angu wei namerie kupata anduangi, ela naawuyabonya ilagho jimweri; naawuyaliwa iro riidie, na kufunga ndighi kurinugha iro riko imbiri.

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

2 TIMOTHEO 2:22

Kwa huwo, kuriinjikie bea ra wudawana; kuinughe hachi, irumirio, lukundo, na sere andwamweri na awo wimmbangiagha Bwana kwa ngolo ielie.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.