ISAYA 50:7 - Biblia Ilagho Jiboie Kwa Wandu Wose

⁷ Kwa kukaia Bwana MLUNGU wadanitesia, niko niserefueghe waya anduangi ngawuya turugha na kukaia sa igho jikurie nani namanya angu sichaafushwa waya anduangi;

ISAYA 50:7 ပူးပေါင်းရင်းမြစ်များ

ZABURI 110:1

BWANA oremzerieghe bwana wapo, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie aisi ya maghu ghako.”

ZABURI 54:6

Nichakufunyira kizongona chefunya kwa ngolo. Nichajifunyira chawucha irina jako ee BWANA, angu jaboie.

ISAYA 29:22

Kwa huwo BWANA uo oremkombueghe Abrahamu waghora huwu aighu ya wandu wa Israeli: “Israeli ndeechaafushwa waya hata kughaluka wushu ghwake anduangi.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 50:9

Olenyi Bwana MLUNGU nuo unitesiagha nani uchaanitala kukaia mkosi? Olenyi wamaiza wapo wose wichasia sa nguwo ijilo ni soya.

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

JEREMIA 1:18

Ola idime nakubonya oho kukaie sa muzi ghuwadie ngome; sa nguro ya chuma na sa wurigha ghwa shaba. Isanga jose jichakutangala, na wazuri wa Juda, na wabaa wake, na wakohani wake, na wandu wose wa iji isanga.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

LUKA 9:51

Nao iji matuku ghalighisa gha uo kudwalwa mlungunyi, ukakata shauri eghenda Jerusalemu.

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

WAEBRANIA 13:6

Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”

1 PETRO 4:1

Kwa kukaia Kristo orepatireghe matiriro mumbinyi, nenyo mmbeni mkurushe maswagha gha nia iyo cheni; angu uo ose upatire matiriro gha mumbi, wamerie kusighana na kaung'a,

1 PETRO 4:16

Ela mundu ukatirirwa kwa kukaia Mkristo, usefo waya; ela umkase Mlungu kwa irina ijo.