ISAYA 50:4 - Biblia Ilagho Jiboie Kwa Wandu Wose

⁴ Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

ISAYA 50:4 ပူးပေါင်းရင်းမြစ်များ

AYUBU 4:4

Malagho ghako ghamteserie uo orekuwieghe, kukawimangisha awo werekoghe wanyonge.

ZABURI 119:147

Nadawuka kokio nilombe wutesia; nadasuwiria ilaghiro jako.

ZABURI 143:8

Kunikumbuse lukundo lwako lukatie kula nakesho, angu nakurumiria oho. Nakulomba kunifundishe chia inifwanagha niinughe.

ZABURI 40:7

Niko ngaghamba, “Ola nameria kucha sa iji koni malagho ghapo ghiandikilo andenyi ya chuo.

ZABURI 45:2

Oho kwaghokie kuchumba wandu wose; kwanekelo kudeda malagho gha mvono, kwa kukaia Mlungu wakurasimie matuku ghose.

ZABURI 5:3

Kwadasikira lwaka lwapo nakesho ee BWANA. Nadabonya malombi luma lwa nakesho na kuweseria, na kuzighanira.

ZABURI 88:13

Ela ini ee BWANA, nadakulilia oho, malombi ghapo ghadakuvikia nakesho.

MAKATANISHO 12:25

Kukambwa ni chongo kwadainja sere ngolonyi, ela ilagho icha jadareda kuboilwa.

MAKATANISHO 15:23

Kutumbulia nicha kwadamredia mundu kuboilwa, na ilagho jadedwa kwa ngelo yaro jaboie nandighi.

MAKATANISHO 25:11

Ilagho jikadedwa nicha, jiakaia sa kipande cha dhahabu chiko andenyi ya sahani ya feza.

ISAYA 28:19

Kula ngelo jichaakaia jikiida, jichamsima; angu jichaida kula nakesho, nadime hata nakio; nenyo mchalemwa ni kumanya shekeria yaro ijo ikabo jeobosha kumchea.

ISAYA 28:9

Wanideda wikighamba, “Uhu ufundisha ani? Ughoria ani malagho ghake? Ni wana wisighishiro mariwa kafwani?

ISAYA 35:5

Niko aho meso gha vitungure ghichatambulwa, na madu gha wandu wisesikiragha ghichafunguka;

ISAYA 40:29

Wadamneka ndighi uo udumbukagha, na uo usewadie ndighi wadamchuria ndighi.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 54:13

Nichawifundisha wana wako wose, nawo wichawona nicha na sere.

ISAYA 8:16

Kughufunge ugho wushuhuda na kuikaba muhuri sharia aghadi ya wanughi wapo.

JEREMIA 1:9

Nao BWANA ukaghorua mkonu ghwake, ukaadada momu ghwapo. Ukanizera, “Ola nangira malagho ghapo momunyi kwako.

JEREMIA 31:25

Angu nichaihoresha iyo roho isirilo, na kula roho idumbukagha nichaighudisha.”

EZEKIELI 46:13

BWANA waghamba, “Kuchafunya mwana wa ng'ondi wa mwaka ghumweri useko na itiko jingi kula ituku, upate kukaia kizongona chekora kwa BWANA; kuchamfunya kula ituku luma lwa nakesho.

MATHAYO 11:28

Choonyi kwapo inyo mmbose msumbukagha na kulemerelwa ni misigo, nani nichamhoresha.

MATHAYO 13:54

ukaghenda mzinyi kwawo. Ukakaia ukiwifundisha wandu andenyi ya sunagogi yawo, hata wikashinika wikighamba, “Mundu uhu wapatire hao hikima ihi na awa weke mwakilimbiti?

MATHAYO 22:46

Aho ndekorekoghe na mndungi oredimieghe kumtumbulia ilagho jingi. Na kufuma ituku ijo mndungi nderemkotereghe ilagho jingi sena anduangi.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

LUKA 4:22

Na wose wikamghora nicha, wikishinika kwa wundu ghwa agho malagho gha mvono orekoghe ukighighora; wikaghamba, “Welee, uhu suo moni mwana wa Josefu?”

JOHANE 7:46

Awo walindiri wikatumbulia, “Jingi mndungi ndededie sa mundu uhu anduangi.”

WUKUMBUSO 18:17

BWANA ukanizera, ‘Waghora nicha.

WUKUMBUSO 18:18

Nichawiwusiria mlodi ufumagha aghadi ya waruna uko sa oho, nani nichamghoria malagho ghapo, agho uchaawighoria.