ISAYA 50:2 - Biblia Ilagho Jiboie Kwa Wandu Wose

² Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

ISAYA 50:2 ပူးပေါင်းရင်းမြစ်များ

KUZOYA 18:14

Welee, jeko ilagho jingi jikurie jisedimikagha kwa BWANA? Nichakuwuria kwa ngelo iwikilo kimu sa ichi, na Sara uchakuvaia mwana wa womi.”

2 MALAGHO GHA NGELO 32:15

Kwa huwo msesighe Hezekia umkalie na kumlaghasha huwo, hata msemrumirie; angu ndeghuko mlungu ghwa mbari ingi ya wandu, angu wuzuri ghungi ghoredimieghe kuwikira wandu wake na ndighi rapo, angu na ndighi ra weke aba. Ni kuchumba saki Mlungu onyu kulemwa ni kumkira!”

ZABURI 106:9

Orefunyireghe momu, Bahari ya Shamu ikaoma; ukawiisa andu korekoghe kumilie, seji ni kireti.

ZABURI 107:33

BWANA wadaomera meda iwuye ikara, na ndoria ra machi riwuye ndoe iomie;

KUFUMA 14:21

Niko Musa ukaghughorua mkonu ghwake aighu ya bahari; na BWANA ukaisindika bahari kwa mbeo mbaa ya mashariki kio chee, hata ukaghalusa andu kwa bahari kuwuye ndoe iomie, na machi ghikawaghanyika.

KUFUMA 14:29

Ela Waisraeli wereidieghe andu kuomie ghadi na ghadi ya bahari; machi ghikikaia sa wurigha chia ya mkonu ghwa kiwomi na chia ya mkonu ghwa kiwaka.

KUFUMA 7:18

Samaki rose riko andenyi ya moda ghwa Naili richafwa, na machi ghichanuka hata Wamisri wichalemwa ni kughinywa.”

KUFUMA 7:21

Samaki rerekoghe andenyi ya moda ghwa Naili rikafwa, moda ghukanuka hata Wamisri wikalemwa ni kunywa machi gha moda ghwa Naili; korekoghe na bagha andu kose isanga ja Misri.

MAKATANISHO 1:24

Nammbangie, mkalegha kusikira; namnekie wutesia, mkaghulegha.

ISAYA 11:15

Na BWANA uchaghuomera putu mwanya ghwa bahari ya Misri, sena uchawetesha mbeo mbaa eomera, nayo ichaomera Moda ghwa Eufrate na kusighara meda mitini mfungade, idimagha kuruwukwa kwa maghu.

ISAYA 19:5

Moda ghwa Naili ghuchapungua mboa-mboa, na machi gharo ghichaoma.

ISAYA 23:11

Mlungu wamerie kughorua mkonu ghwake aighu ya bahari, na kughusha agho mawuzuri; wamerie kughora kukaia ngome ra biashara ra Kanaani richukanyo.

ISAYA 36:20

Mwawonie ni milungu iao ya agha masanga ikirie masanga ghawo kufuma mikonunyi kwapo; nao wei BWANA uchaikira Jerusalemu kufuma mikonunyi kwapo?’”

ISAYA 41:28

Nani iji nerezighanireghe aghadi ya iyo milungu, serewonieghe ghonighoria ilagho jingi; hata ndekorekoghe na ghungi ghoredimieghe kunitumbulia ikoto japo anduangi.

ISAYA 42:15

Nichainona mighondi mibaa na mitini, na kuomera nyasi rose; nichaighalusa meda iwuye ikara, na kuomera viriwa.

ISAYA 43:16

BWANA, uo ubonyere chia baharinyi, ee, uo ubonyere andu koidia aghadi ya machi mengi,

ISAYA 44:27

Ni ini nizeragha bahari ‘Oma; nichaiomera meda yako.’

ISAYA 51:10

Welee, si oho kumoni koreomerieghe bahari, ee, agho machi ghimilie, hata kukabonya chia aghadi ya bahari kwa wundu ghwa wandu wako wikombolo anguwada?

ISAYA 54:6

Ini BWANA nakuwangie, sa muka uleghelo na kusirimika rohonyi, sa muka mkoo uleghelo na kukumbwa noko; nani naghamba,

ISAYA 59:1

Olenyi mkonu ghwa BWANA ndeghupungue ghusedimagha kukira, hata madu ghake ndeghiriwie wei ghilemo ni kusikira;

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 63:13

uo orewilongozereghe na kuwiisa andu kumilie? Wereidieghe kireti sa farasi hata wisekuwe.”

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

ISAYA 65:12

Nichammbikia kufwa wudenyi na inyo mmbose mchabwaghwa, kwa kukaia iji neremmbangieghe, ndemoredikieghe; hata ndemorenisikireghe iji nerekoghe ngideda; ela morebonyereghe wuwiwi mesonyi kwapo, na kusaghua agho nisereghikundieghe.”

ISAYA 66:4

Ini wori nichawisaghuya matiriro ghewingira wowa, kwa kukaia iji nerewiwangieghe ungi wawo nderedikieghe; iji nereghorieghe nawo ndekuwadie ungi orenisikireghe, ela werebonyereghe agho ghiko mawiwi imbiri kwapo, na kusaghua maza riseniboiagha.”

JEREMIA 14:9

Kwaki kwakaia sa mundu washinika, karakara na ing'oni jisedimagha kukira? Na sena ee BWANA, koko aghadi kodu nesi dadawangwa kwa irina jako; kusakedisigha.’”

JEREMIA 35:14

Malaghiro Jonadabu mwana wa Rekabu ulaghirie wana wake wisenyo divei, waghiwadie; nawo ndewinywagha divei hata linu, kwa kukaia wamsikire ndee. Ini naghorie nenyo sena na sena, ela ndemunisikire anduangi.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

JEREMIA 7:27

“Kwa huwo oho Jeremia, kuchawighoria wandu wapo agha malagho ghose; elaima ndewichaakusikira kungi. Kuchawiwanga ela ndewichaakudika.

JEREMIA 8:6

Nasikirie nao ngasikira, ela ndewiwadie wuloli ghungi. Mndungi ndewuehea wuwiwi ghwake, ughambe, ‘Nabonya wada huwu?’ Kula umu uaghenda kwa chia rake reni, kara kara na farasi ikimbiagha cha wudenyi.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:29

Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

DANIELI 6:27

Wadakira na kuvuvua, wadabonya alama na mashiniko mlungunyi na ndoenyi. Wamkirie Danieli kufuma kwa ndighi ra shimba.”

HOSEA 11:2

Seji koni nerekoghe ngimmbanga, niko orechurieghe kughenda kula nani. Wandu wapo wikam'bwaghia Baali vizongona, na kuifukiria milimu marumba.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

NAHUMU 1:4

Wadaidokia bahari na kuiomera, wadaomera meda yose. Mbuwa ra Bashani ranyaya, na Mghondi ghwa Karmeli ghwaoma. Maua gha Lebanoni ghasia.

HABAKUKI 3:8

Wele BWANA, ni meda ikuwusirie machu? Ni bahari ikubonyere kubie? Korejokieghe aighu ya mawingu; iwingu ja kiremba ni igare jako; kukawiredia wandu wako wusimi.

MITALO 11:23

BWANA ukamzera Musa, “Welee, ndighi ra BWANA reeka ndini? Idana kuchawona ngera malagho ghapo ndeghiwuyaa loli.”

MARKO 4:39

Jesu ukawuka, ukaikemia mbeo, na kuizera ndiwa, “Nyama, kuhoo”. Nao mbeo ikasia, kukakaia kuhoa kubaa.

JOHANE 1:11

Orechieghe kwa isanga jake, ela wandu wake weni ndeweremmbusireghe anduangi.

JOHANE 3:19

Nako kutanywa niko uku: Mwengere ghwameria kucha wurumwengunyi, ela wandu wikachikunda kira kuchumba mwengere, angu mabonyo ghawo gherekoghe ghizamie.

JOSHUA 3:16

agho machi gherekoghe ghikisea kufuma nalughu, ghikatumbanyika kitungu kula koni, kufuma Adamu ghuja muzi ghuko nambai ya Zarethani; na agho gherekoghe ghikisea cha Bahari ya Chumbi ya Araba ghikaida, ndoe ikasighwa iomie kulangaya Jeriko; awo wandu wikaida.