ISAYA 50:11 - Biblia Ilagho Jiboie Kwa Wandu Wose

¹¹ Inyo mmbose m'bonyagha njama retotesha wazima, mchatoteshwa ni njama renyu reni. BWANA moni uchabonya maza iri rikaie nenyo mchapata wasi m'baa.

ISAYA 50:11 ပူးပေါင်းရင်းမြစ်များ

ZABURI 16:4

Awandu wikimbiriagha milungu mizima, wadachuria wasi ghwawo; sichaakaia na wungara na vizongona vawo hata sidimagha kutasa milungu yawo.

ZABURI 32:10

Makabo gha mundu mmbiwi ni mengi, ela uo umrumiriagha BWANA, uchalindilwa kwa lukundo lukatie.

MAKATANISHO 26:18

Mundu wa isu wadakumba visinde va modo, na mawanu ghibwaghagha wandu;

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

JEREMIA 17:4

Wichajisigha isanga jerekoghe ifwa jawo nerewinekieghe, nani nichawibonya widumike andenyi ya isanga wisejiichi, kwa kukaia wawusira machu ghapo, nagho ghichaaka sa modo kwa kala.”

EZEKIELI 20:39

“Na inyo ee wandu wa Israeli, ini Bwana MLUNGU naghamba huwu: Ngera msekunde kunisikira, kula umu onyu ndeghende kudumikia milimu yake kufuma idana, hata konyuma wori; ela irina japo ijo ndemchaajilusha sena kwa kufunyira milimu yenyu manosi.

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

AMOSI 4:9

“Neredumieghe mbeo eomera viro venyu. Ngareda zighe riwoneja mbuwa renyu, mizabibu yenyu na mitini yenyu na mizeituni yenyu, nenyo hata huwo saki, ndemorenighalukieghe.

JONA 2:8

Awandu witasagha milimu ya duu, wadasigha kukaia waloli kwako.

HABAKUKI 2:13

Welee, ndemmbonagha kukaia maza iri reefuma kwa BWANA Uwadie-Ndighi-Rose; ra wandu kubonya kazi rekorwa, na wandu wa iro mbari kudumika duu?

MATHAYO 22:13

Nao mzuri ukawizera waja wadumiki, ‘Mfungenyi mikonu na maghu, mumkumbe kwa kira chiko shighadi; aho kuchakaia kulila na kuja maghegho.’

MATHAYO 8:12

Ela awo werefwaneghe kungia kwa Wuzuri ugho, wichakumbwa shighadi kirenyi; aho wichalila na kuja maghegho.”

JOHANE 8:24

Huwo niko namzera angu mchafwa kaung'enyi konyu. Nenyo mchafwa kaung'enyi konyu ngera mserumiriagha angu ‘Ini Nuo Moni.’”

JOHANE 9:39

Nao Jesu ukaghamba, “Ini nerechieghe wurumwengunyi kutanya, awa wisewonagha wipate kuwona, na awa wiwonagha wiwuye vitungure.”

WAROMA 10:3

Angu wiendakaia wiseimanyagha ija hachi ifumagha kwa Mlungu, na kulola kuimangisha hachi yawo cheni, ndewicheirumiria hachi ya Mlungu.

JAKOBO 3:6

Na lumi ni modo. Ni wurumwengu ghwa mawiwi ghuko aghadi ya via vedu; lwadaghulusha mumbi ghose, na kushekeria kuumbwa kose kuake modo kwa ndighi ya modo ghwa jehanamu.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.