ISAYA 50:1 - Biblia Ilagho Jiboie Kwa Wandu Wose

¹ BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

ISAYA 50:1 ပူးပေါင်းရင်းမြစ်များ

1 WAZURI 21:25

(Ndekuwadie mndungi orekufunyireghe kubonya mawiwi imbiri ya BWANA sa Ahabu, ukilongozwa ni mkake Jezebeli.

2 WAZURI 17:17

Wikafunya wana wawo wa waka na wa womi kizongona wipate kukorwa; wikakufunya kulaghua na kubonya wusawi; wikakufunya putu kubonya mawiwi imbiri ya BWANA, hata wikam'bonya ujoko ni machu.

2 WAZURI 4:1

Muka umu wa kipughi cha walodi ukacha kwa Elisha ukamzera, “Mdumiki wako mumi wapo wafue; na oho kwaichi kukaia uo orekoghe muoboi Mlungu. Ela idana, mndumu oremlawiagha wacha, nao ookunda kuwusa wana wapo wawi wa womi wiwuye wazumba wake.”

NEHEMIA 5:5

Idana isi deeka karakara na wambedu Wayahudi, na wana wedu weeka sa wana wawo; ela sena daawuyawifungisha ndighi wana wedu wa womi na wa waka kuwuya wazumba, na wai wamu wedu wamerie kubonywa wazumba; ela isi ndediwadie ndighi retesia ilagho iji, kwa kukaia mbuwa redu na mbuwa redu ra mizabibu ramerie kuwuswa.”

ESTA 7:4

Kwa kukaia ini, na wandu wapo damerie kuuzwa, eri dibwagho kuseko na wughoma ghungi, dimerelo putu. Ngera wei dedeuzwa dikaie wazumba womi na waka, sakaiagha na ilagho jingi jekusumbua, nadakaia kima. Kwa kukaia wasi ghodu ndeghudimagha kukatanishwa na hasara mzuri uchaipata.”

ZABURI 44:12

Kwawiuzire wandu wako kwa ighuri itini, hata ndekupatire fwaida ingi kwa wundu ghwawo.

KUFUMA 21:7

“Mundu ukamuuza mwai wake ukaie mzumba, ndechaasighwa ughende karakara na wazumba wa kiwomi.

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

ISAYA 27:8

Kipimo kwa kipimo, korelueghe nawo na kuwighenja wubarishonyi. Korewiinjireghe kwa makabo ghibirie, sa kwa kiremba chenona cha mashariki.

ISAYA 43:27

Ndeyo wa imbiri odebonya kaung'a na wadederii wako wikanikosera.

ISAYA 46:8

“Ririkanyenyi na kuritambua maza iri, ripimenyi akilinyi konyu inyo mkosagha.

ISAYA 52:3

BWANA waghamba huwu: “Modeuzwa kuseko na ighuri, nenyo mchakombolwa kuseko na malipo ghangi.

ISAYA 54:6

Ini BWANA nakuwangie, sa muka uleghelo na kusirimika rohonyi, sa muka mkoo uleghelo na kukumbwa noko; nani naghamba,

ISAYA 54:7

“Nerekusighieghe kwa ngelo vui, ela nichakuwunja kwa wughoma m'baa.

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

JEREMIA 3:8

Juda wawonie putu kukaia, namnekie Israeli barua etana nao kwa wundu ghwa wulaki ghwake, ela nao moni kwa kusowa wuloli ukalemwa ni kuobua; ukafuma na kubonya wumalaya.

JEREMIA 4:18

Ni chia rako na mabonyo ghako gheni ee Juda, ghakuredia agha, iji nijo ikabo jako. Jabirie, najo jangia kondenyi ngolonyi kwako.”

HOSEA 4:5

Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli.

WALAWI 25:39

“Mwanyinyu Muisraeli ukawuya mkiwa, na kukuuza uo moni kwako sa mzumba, kusem'bonyeshe kazi sa mzumba;

MATHAYO 18:25

Ela uja mdumiki nderekoghe na kilambo chingi chemlipa anduangi; kwa huwo bwana wake ukafunya momu uo mdumiki uuzo, na mkake, na wana wake, chiaimweri na vilambo vake vose orekoghe navo upate kuilipa ija sile.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.