ISAYA 5:23 - Biblia Ilagho Jiboie Kwa Wandu Wose

²³ awo wimlekeriagha mmbiwi angu wawituwa, na kumuima mloli hachi yake.

ISAYA 5:23 ပူးပေါင်းရင်းမြစ်များ

1 WAZURI 21:13

Wandu wa ndonyi wawi wikangia na kusea kidombo kaavui na Nabothi; wikareda mashitaki aighu yake imbiri ya wandu wikighamba, “Nabothi wamsholia Mlungu na mzuri.” Wikamfunya shighadi ya muzi na kumlasa na magho hata ukafwa.

2 MALAGHO GHA NGELO 19:7

Idana muobuonyi BWANA; mkulindie na ijo m'bonyagha, angu BWANA Mlungu odu ndelaghashagha loli, hata ndesaghuagha, hata ndetuwagha.”

ZABURI 94:21

Wawadana chiaimweri kulwa na mundu wa hachi na kumtanya mundu usewadie ikosa jingi ubwagho.

MAKATANISHO 17:15

Mundu umtalagha mmbiwi kukaia na hachi, na uhu umtanyagha mhachi kukaia mkosi, wedefwanana; wose wadamzamia BWANA.

MAKATANISHO 17:23

Mundu mmbiwi wadahongwa kivisonyi, upate kulaghasha hachi.

MAKATANISHO 24:24

Mtanyi umzeragha mundu mmbiwi wei ndena ikosa jingi, uchaewelwa, na kuzamia wandu wose.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 10:1

Ni bugha konyu inyo mdungagha sharia riseko ra hachi, na kuandika malagho ghewikoronga wandu wapo.

ISAYA 10:2

Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

ISAYA 32:7

Mundu wa mikalo ni mmbiwi, wadaghesha malagho gha wuwiwi, upate kumkita mkiwa kwa mikalo yake, hata ngera malombi gha uo mkiwa ni gha hachi.

ISAYA 59:15

Loli yasowekie; na uo ukutanyagha na wuwiwi, waakungira wasinyi.” BWANA wawonie maza iri ukazamilwa na ndighi, angu hachi iseko.

AMOSI 5:12

Naichi makosa ghenyu mengi, na kaung'a renyu seji riko mbaa. Mwadawitirira wandu wecha, na kuhongwa; mwadamtangala mkiwa usepate hachi yake kotinyi.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.

MATHAYO 23:35

Mpate kuchelwa ni ikabo kwa wundu ghwa bagha ya wandu wa hachi wose erediriloghe ndoenyi. Kufuma bagha ya Abeli mhachi, hata bagha ya Zakaria mwana wa Barakia, uo morembwaghieghe andenyi ya Hekalu madhabahunyi gha wueli.

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

JAKOBO 5:6

Mwatanya na kum'bwagha mundu wa hachi, nao ndetangalanagha nenyo anduangi.