ISAYA 5:20 - Biblia Ilagho Jiboie Kwa Wandu Wose

²⁰ Ni bugha kwa awo wighuwangagha wuwiwi wucha, na wucha wuwiwi; awo wiredagha kira wulalo ghwa mwengere, na mwengere wulalo ghwa kira; awo wikuwangagha kuwawa kusinga, na kusinga kuwawa.

ISAYA 5:20 ပူးပေါင်းရင်းမြစ်များ

AYUBU 17:12

Awandu wadaghora kio ni dime; ingelo kira chiduagha wadaghora, ‘Mwengere ghwalighisa.’

KUFUMA 23:7

Kusakereda mashitakio gha tee, hata kusemmbwaghe mundu usewadie ikosa angu mhachi; kwa kukaia nichamtanya kula umu ubonyagha wuwiwi ugho.

MAKATANISHO 17:15

Mundu umtalagha mmbiwi kukaia na hachi, na uhu umtanyagha mhachi kukaia mkosi, wedefwanana; wose wadamzamia BWANA.

MAKATANISHO 4:17

Wuwiwi ni vindo vawo, na kutumia ndighi ni kunywa kwawo.

ISAYA 24:9

Ndekuwadie mndungi wawuyanywa divei na kubora; iyo divei ibirie yawawa kwa awo werekoghe wikiinywa.

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

ISAYA 30:10

na kuwizera awo wiwonagha, “Msewone;” na walodi, “Mselode malagho gha loli, ela modeghoragha agho gha ighu-ighu, na kudilodera tee.

ISAYA 32:5

Mkelu ndechaawangwa mundu wa akili, na wandu wa kisha-kisha ndewichaawangwa wandu wa ishima.

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

AMOSI 5:7

Ni bugha konyu inyo muighaluagha hachi iwuye kuwawa, na kuilaghasha loli.

MIKA 3:2

Ela inyo mwadazamilwa ni ijo jiko icha, na kuchikunda icho chiko kiwiwi. Mwawisicha wandu wapo wiko wimoo sa mchinji na kukonua nyama maindinyi kwawo.

HABAKUKI 1:4

Kwa huwo sharia ndeiwuetalwa, na wandu ndewiwuetanya hachi. Wawiwi wawimara wandu wa hachi chia rose, na kwa wundu ugho hachi yalaghashwa.

MALAKI 2:17

Mwamsirishire BWANA na malagho ghenyu. Ela inyo mwaawuyakotia, “Damsirishire wada?” Mwamsirishire kwa kughamba, “BWANA Uwadie-Ndighi-Rose wadaghesha wabonyi kiwiwi wose waboie; kwa loli wawikunde.” Na sena kwa kukotia, “Oko hao Mlungu wa hachi?”

MALAKI 3:15

Seji diwonie, wandu wikukasire niwo wawuyawona nicha. Wandu wawiwi ndewiwonagha nicha tu, ela hata iji wamtima Mlungu kwa uko kurumaghia kwake, wafufunuka wisepatiro ni ilagho jingi.’”

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

WUKUMBUSO 25:1

“Wandu wawi wikakwanywa ni ilagho jingi, nawo wiche mwandunyi kutanywa, na watanyi widumbuo mwandu na kumlekera umundu usekosere, na kumtanya umundu ukosere,

2 PETRO 2:1

Ela na walodi wa tee wori werewukieghe aghadi ya wandu, sa iji koni kuchaakaia na walimu wa tee aghadi konyu, awo wichaareda kwa kiviso mafundisho gha tee ghenona, hata kumkana uo Bwana orewighueghe; nawo wichakuredia weni kutota kwa shwa-shwa.