ISAYA 5:18 - Biblia Ilagho Jiboie Kwa Wandu Wose

¹⁸ Ni bugha kwa awo wirudagha kaung'a na kamba ra mikalo, na wuwiwi sa kuruda na kamba ra magare.

ISAYA 5:18 ပူးပေါင်းရင်းမြစ်များ

ZABURI 10:11

Uo mundu mmbiwi waghamba ngolonyi kwake, “Mlungu waliwa; wafinikira wushu ghwake hata ndeniwonagha.”

ZABURI 14:1

Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

ZABURI 36:2

Kwa kukaia wadakuririkanya moni kukaia mucha, ukighesha wei Mlungu ndedimagha kumanya wuwiwi ghwake na kughutanya.

MAKATANISHO 4:17

Wuwiwi ni vindo vawo, na kutumia ndighi ni kunywa kwawo.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 36:23

Jehudi uendashoma karatasi idadu inya huwu, mzuri ukachiwada chuo na kuchirashua na kandagha katini ukachikumba modonyi ghwa maka, hata chikahia putu chikasia.

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

ZEFANIA 1:12

“Ngelo iyo, nichashoa taa nimlole Jerusalemu; nani nichawikaba awo wandu wikudukagha weni wikighamba, ‘BWANA ndebonyagha ilagho jingi icha angu iwiwi.’

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

MABONYO GHA WADUMI 26:9

“Ini moni nerewonieghe yanifwana nibonye maza nyingi relwa na irina ja Jesu wa Nazareti.

WATANYI 17:13

Niko Mika ukaghamba, “Idana namanya angu BWANA uchanibonyera nicha, kwa kukaia nekwanye na Mlawi uko kwa mikonu ya mkohani.”

WATANYI 17:5

Uo mundu Mika orekoghe na andu kwake kotasira, ukabonya milimu imu na naivera; ukammbika umu wa wana wake ukaie mkohani wake.