ISAYA 5:17 - Biblia Ilagho Jiboie Kwa Wandu Wose

¹⁷ Niko wana wa ng'ondi wichaja nyasi sa mlambenyi ghwawo, ngache na ndaghina richaja maghachonyi.

ISAYA 5:17 ပူးပေါင်းရင်းမြစ်များ

NEHEMIA 9:37

Mavalo gharo mengi ghaawuyaghenjwa kwa wazuri kuwiwikia widibonyere nguma kwa wundu ghwa kaung'a redu. Waawuyabonya seji wikunde aighu yedu, na mfugho redu, nesi deko na wasi m'baa.”

ZABURI 119:70

Ni wandu wifue vongo; ela ini nadaboilwa ni sharia yako.

ZABURI 17:10

Ndewine wughoma, wiadeda kwa lubando.

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

ZABURI 73:7

Wabandie hata wikafumwa ni meso; ngolo rawo reechulwa ni wukelu.

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 17:2

Mizi ya Siria ichasighwa putu, nayo ichawuya andu kolishira ng'ombe na ng'ondi; richadima na mndungi ndechaariturusa anduangi.

ISAYA 32:14

Kwa kukaia ngome ya mzuri ichasighwa, na wandu werechueghe ugho muzi kukimbia. Mghondi na minara ya walindiri ichakailwa ni nyamandu kwa kala na kala, kuchawuya andu kuboie kolishira weke punda na mfugho.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 65:10

Sharoni ichawuya andu kolishira ng'ondi, na Vololo ya Akori ichawuya andu kodimishira ng'ombe ra wandu wapo werenilolieghe.

ISAYA 7:25

na mighondi mitini yose erekoghe ikilimwa na maghembe, ndeichaadima kungilwa kwa wundu ghwa kuobua mndungua na minjwa, ela ichasighwa ikaie andu kolekeria ng'ombe rije ngelo elishwa, na andu ng'ondi richaakaia rikiidiria rikija.”

JEREMIA 5:28

ni wandu wibandie widendere. Mabonyo ghawo ghizamie ndeghina kipimo; ndewiichi kutanya hachi kwa mwana mkiwa usewadie ndee, hata uwone nicha; ndewidederiagha hachi ra uo uko ukitiro.

KILILO CHA JEREMIA 5:2

Mali redu ranekelo waghenyi; waghenyi waawuyakaia andenyi ya nyumba redu.

HOSEA 4:16

Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi?

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

MIKA 2:12

“Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”

ZEFANIA 2:14

Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa.

ZEFANIA 2:6

Inyo wandu wa pwani ya baharinyi, isanga jenyu jichawuya andu kolishira mfugho; kuchakaia na viwanda va walisha, na maranu gha ng'ondi.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.