ISAYA 5:13 - Biblia Ilagho Jiboie Kwa Wandu Wose

¹³ Kwa wundu ugho, wandu wapo wichabarishwa kwa kusowa kumanya kwawo; wandu wawo wa ishima wiafwa kwa njala na wengi wawo wiafwa kwa kau.

ISAYA 5:13 ပူးပေါင်းရင်းမြစ်များ

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

MAKATANISHO 10:21

Malagho gha mundu wa hachi ghadawitesia wandu wengi, ela wakelu wafwagha kwa kusowa akili.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ISAYA 1:7

Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 3:1

Olenyi Bwana, uo BWANA wa majeshi, uchainja kula kilambo chisuwirilwagha ni wadamu, kufuma Jerusalemu na kufuma Juda; ikaiagha ni vindo, ikaiagha ni machi.

ISAYA 3:3

M'baa wa masikari mirongo misanu, na mundu uko na daraja mbaa; mnjama na msawi uwadie wuya, na mundu uichi kubonya mbingu.

ISAYA 44:19

Ndekuwadie mndungi umanyagha, hata ungi utambuagha ughambe, “Nusu ya ughu mudi naghukorieghe, na maka gharo ngaocha nagho mkate, hata nyama wori naocha ngaja; yakaia wada sena nibonye iji ilagho ja wuchafu? Welee, nighoghomie kilingo cha mudi?”

ISAYA 49:21

Na oho kuchaghora ngolonyi kwako, ‘Awa wana wose wavalo nani? Ini nerefuiloghe ngasighwa nisewadie wana, ngafunywa na kudwalwa wunyika; idana awa wana walelelo nani? Ini nedesighwa niekeri awa wandu awo wafumie hao?’”

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 14:3

Wandu wa ishima wiaduma wadumiki wawo kulola machi, wivika kisimenyi wikaasowa machi, wikaawuya na mitungi miduu. Wafwa ngolo na kukambwa ni chongo, nawo wawadia idumbu kwa wasi.

JEREMIA 8:7

Ichachula jiburukagha mbeonyi jaichi ngelo rake rewuya, hata mbughi, na mbeumbeu, na mnyange walindiagha ngelo rawo rewuya, ela wandu wapo ndewiichi sharia rapo.

KILILO CHA JEREMIA 4:9

Wandu wifue wudenyi weko baa kuchumba awo wicheefwa na njala mboa mboa kwa kusowa vindo vewikaisha moyo.

EZEKIELI 7:12

Ngelo yavika, ituku jakaia kaavui. Uo ughuagha useboilo, na uo uuzagha usekaie na wasi, angu machu ghapo ghichawichea wose.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

AMOSI 8:13

Ngelo iyo, wai wighokie na wadawana wichadumbuka kwa wundu ghwa kau.

LUKA 19:44

Nawo wichakutotesha putu, andwamweri na wana wako wiko andenyi ya wurigha ghwako; ndewichaasighara igho hata jimweri jiseinjiro andu kwaro, kwa kukaia ndekoremanyireghe ngelo Mlungu orechieghe kukukira anduangi.”

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

2 PETRO 3:5

Na ilagho iji wajiliwa kidali kukaia, kwa ilagho ja Mlungu, mlungunyi koreumbiloghe koicho, na ndoenyi korebonyeroghe kufuma machinyi na kwa chia ya machi;